Var reynt að tækla Seðlabankann?

Mér finnst eðlilegt að því sé velt fyrir sér hvort hafi átt að misnota Seðlabankann með því að leita eftir láninu til bjargar Glitni. Svo margt í þessu máli er enn í þoku, en miðað við talsmáta þeirra sem frontuðu Glitni í málinu undanfarna daga og fóru á fund manna í Seðlabankanum hlýtur þessi spurning að verða áleitin.

Þessi vælutónn þeirra sem keyrðu Glitni út í skurð er ekkert nema spuni til að laga ímynd sína eftir á og er ekki trúverðugur. Því er ekki óeðlilegt að spurningar vakni um hvað vakti fyrir þeim sem fóru í bankanum. Héldu þeir virkilega að þeir fengju bara lán út á þessi veð og ekki yrði sagt neitt við því?

Álíka traustvekjandi hefði það verið og rétta spilafíkli óútfyllta ávísun og segja honum að velja sjálfur núllafjöldann þegar hann legði næst undir. Semsagt; óábyrgt.

Átti að misnota Seðlabankann?

Athugasemdir

[Gestur Guðjónsson, 1.10.2008 kl. 22:19]

Gleymdu ekki hvernig málið byrjar, sveitungi þinn fer í Seðlabankann að ræða stöðuna og kanna möguleika, ekki að fara formlega fram á þrautavaralán.

Nú er íhaldið komið með kalda fætur, því það er allt eins líklegt að Glitnir renni inn í annan banka, t.d. Nordea og það er alveg ljóst að bankinn mun fara úr landi um leið og hann getur eftir þessa meðferð hins raunverulega stjórnanda landsins DO

[Haraldur Haraldsson, 1.10.2008 kl. 22:31]

Maður leggur ekki ykkur Árna Mathiessen saman,það er ekki til framdráttar neinum/Halli Gamli

[Maelstrom, 1.10.2008 kl. 22:57]

Farðu á google.com og flettu upp "endurhverf viðskipti".  Við sérstakar aðstæður getur Seðlabankinn meira að segja gengið lengra og tekið hvaða tryggingar sem er og veitt lán út á þær.

 Seðlabankar í Evrópu og USA taka t.d. hvaða skráðu hlutabréf sem er sem tryggingu.  Á Íslandi er banki aftur á móti þjóðnýttur ef hann spyr Seðlabankann að því hvort hægt sé að nota ákveðnar tryggingar í Repo viðskiptum! 

Það er ekki nóg með að bankinn geri EKKERT í því að tryggja aðgang að erlendum gjaldeyri og klúðri þannig gersamlega trúverðugleika krónunnar heldur neitar hann bönkum líka um lausafé.  Algerir fávitar!

[Baldur (IP-tala skráð) 1.10.2008 kl. 23:06]

Já, eða eins og að treysta kókaínfíkli fyrir banka!

...svona svo haldið sé áfram með samlíkingar.

[Guðbjörn Jónsson, 1.10.2008 kl. 23:27]

Þú yrðir hissa ef þú sægir ýmis björgunarlán fyrri ára, til að losa banka úr lausafjárkreppu.

Með kveðju frá fyrrv. hagdeildarmanni í banka.

[Kristján Pétursson, 2.10.2008 kl. 00:05]

Veistu þú Stefán hvaða veð Glitnir var að bjóða fyrir láninu og hvaða aðilar staðfestu verðgildi veðanna.

Kynntu þér það og láttu svo frá þér heyra,en ekki vera að bulla eitthvað út í loftið.

[JHE (IP-tala skráð) 2.10.2008 kl. 09:29]

Það er ekki verjandi að lána svona stóra upphæð til eins banka. Þið verðið að athuga að þessi upphæð er hlutfallslega stærri fyrir okkur heldur en þessi 700-800 milljarða dollara pakki í BNA. Hugsiði ykkur hvað heyrðist í fólki þar ef einn og aðeins EINN banki bæði um - ehh, færi fram á - svoleiðis lán! En ekki hér á landi, hér er köllunum sem eiga fjölmiðlana bara vorkennt og menn þakka ekki einusinni fyrir að hafa þó fengið þessa 84 milljarða.

Hvað halda menn eiginlega að hefði gerst ef við myndum gefa okkur það að það þyrfti ekki að tilkynna svona neyðarbeiðni út á markaðinn. Þeir farið í Seðlabankann í síðustu viku og beðið um lán, SÍ segis ekki geta lánað þeim en þeir séu tilbúnir að tækla málið eins og það var gert. Glitnis menn myndu hafna því og markaðir opna eftir helgina án þess að nokkur utan þessa hóps viti af því. Það verður að teljast mjög ólíklegt að Glitnir hefði fengið lán því ef þeir telja að einhver möguleiki hefði verið á því þá hefðu þeir athugað það áður en farið var af stað í SÍ.

Í hnotskurn sé ég málið svona:

Glitnir taldi fullreynt að ekki fengist fjármagn til að greiða lánið 15. okt.

Seðlabankinn taldi ekki verjandi að lána einum banka svo gíkantíska fjárhæð - 270 þús. kr. á hvern einasta Íslending en taldi það skásta kostinn, m.a. til að bankinn héldi áfram starfsemi að klára málið svona.

Stærstu eigendur Glitnis spila þeim spilum sem þeir hafa til þess að fá þjóðina til að halda að Seðlabankinn/Ríkisstjórnin hefði haft einhverja betri kosti í stöðunni.