Gríðarlegt spennufall eftir Danaleikinn

Það varð rosalegt spennufall eftir leikinn við Dani í gærkvöldi. Þvílíkur leikur - ótrúlegt moment. Þurfti á fund í gærkvöldi eftir leikinn og það var rosalegt spennufall í þessum hópi sem sat fundinn greinilega. Fólk hafði lifað sig algjörlega inn í leikinn og vonbrigðin voru svakaleg.

En nú taka næstu verkefni við. Vonandi er liðið til í þau átök. Það vill oft vera að spennufallið eftir svona leik sé lamandi og vindurinn sé í raun úr fólki. Vonandi á það ekki við um liðið. En það er auðvitað öllum ljóst að árangurinn er vel viðunandi á mótinu. Getum verið stolt.

En auðvitað hefði verið betra að fara lengra.... það er alltaf sárt að tapa með svo naumum mun, enda vorum við hársbreidd frá undanúrslitunum.

HM: Íslenskt hugvit á bak við sigurmark Dana

Athugasemdir

[leibbi (IP-tala skráð) 31.1.2007 kl. 15:32]

Tapið var sárt en kom ekki á óvart. Það er segin saga á stórmótum að þegar farið er að safna peningum með áheitum í útvarpinu og ráðherrar sem að öllu jöfnu láta sig íþróttir litlu varða svo sem Framsóknar-dömurnar Valgerður og Jónína mæta til leiks, þá er gamanið búið.

[Stefán Friðrik Stefánsson, 31.1.2007 kl. 15:50]

Já, það var sárt að tapa svona naumt.... en við getum verið stolt öll hér af þessu liði. Það gerði góða hluti og stóð sig vel. Það skiptir mestu máli. En þetta var sorglega tæpt á milli feigs og ófeigs eins og við segjum. En hvað með það. Svona er þetta stundum. Það er samt alltaf vont að tapa svona skelfilega naumt.

En já, það var hálf skondið að sjá framsóknardömurnar þarna á leiknum, get ekki annað sagt. Ekki veitir ráðherrum Framsóknarflokksins af því þessar vikurnar að láta sjá sig á jákvæðum vettvangi. Það er erfið barátta framundan fyrir þá. :)

mbk.