...að vera rukkaður án þess að vilja það

Það getur varla verið þægilegt að vakna upp við það að vera rukkaður um eitthvað sem maður hefur hvorki óskað eftir að fá eða kannast ekki við að hafa pantað beint. Þetta virðist gerast í auknum mæli. Las athyglisverða umfjöllun um þessi mál í Sunnudagsmogganum sem segir sína sögu vel. Þar er rætt við Gísla Tryggvason, talsmann neytenda, sem fjallar um þessi mál með fróðlegum hætti.

Ég veit af einum fjölskyldumeðlimi mínum sem vaknaði upp í þessari stöðu, en það var ekki nein rosaleg upphæð.... en þetta er nóg samt. Þetta er slæmt mál og hlýtur að vekja fólk til umhugsunar. Ekki vildi ég allavega fá kvittun í gegnum heimabankann fyrir eitthvað sem ég kannaðist ekki við.

Það þarf að standa betur að þessum málum. Það getur aldrei talist eðlilegt að svona geti gerst.

Greiðsluseðlar sendir í heimabankann án þess að vara sé pöntuð

Athugasemdir

[Svavar Friðriksson (IP-tala skráð) 4.2.2007 kl. 16:32]

Einmitt!  Þetta hvetur mann enn frekar til að halda utan um heimilisbókhaldið.  Mér finnst að viðurlög við þessum viðskiptaháttum mættu vera hörð.  Gott og vel, mistök geta átt sér stað með útprentun á reikningum en ef um er að ræða ítrekuð brot þá finnst mér að beita eigi háum fjársektum. 

[unnþór (IP-tala skráð) 4.2.2007 kl. 20:49]

Ekki ósvipað og að borga skatta.