Jón Ásgeir og Tryggvi dæmdir og fá skilorð

Baugsmálið tók á sig nýja stefnu í dag þegar að Jón Ásgeir Jóhannesson, forstjóri Baugs, og Tryggvi Jónsson, fyrrum aðstoðarforstjóri Baugs, voru dæmdir fyrir hluta málsins í Héraðsdómi. Jón Ásgeir hlaut 3 mánaða skilorðsbundinn fangelsisdóm og Tryggvi fékk 9 mánaða skilorðsbundinn fangelsisdóm. Ákæru á hendur Jóni Geraldi Sullenberger var vísað frá.

Níu af ákæruliðum af átján var vísað frá dómi. Skv. dómsorði er Jón Ásgeir dæmdur fyrir brot í tengslum við kredit reikning upp á 60 m.kr. sem hafði áhrif á stöðu Baugs þegar fyrirtækið var á hlutabréfamarkaði. Jón Ásgeir var dæmdur fyrir brota á almennum hegningarlögum. Tryggvi var dæmdur fyrir brot á almennum hegningarlögum og bókhaldslögum.

Þetta er athyglisverður dómur. Hann markar þó ekki endi málsins og nú verður hæstaréttar að taka málið fyrir. Það verður fróðlegt að sjá hvað gerist næst í þessu langvinna dómsmáli.
 

Jón Ásgeir og Tryggvi dæmdir í skilorðsbundið fangelsi

Athugasemdir

[Anna Ólafsdóttir (anno) (IP-tala skráð) 3.5.2007 kl. 13:28]

Það kom fram í beinu útsendingunni hjá RÚV að 9/10 hluti kostnaðar við málið leggist á Ríkissjóð og það eru engar smáupphæðir. Maður hlýtur að spyrja sig hvort málatilbúnaðurinn hafi verið kostnaðarins virði nú þegar ljóst er hversu lítið stendur eftir af þessu öllu saman???

[Haukur Nikulásson, 3.5.2007 kl. 13:38]

Miðað við upphaflegar ásakanir, Stefán, er verið að dæma menn nánast fyrir stöðumælabrot. Hér eru því engin sérstök tímamót önnur að "dæma" menn fyrir eitthvað, eftir 5 ára samfellda leit að yfirsjónum. Þvílíkt afrek!

Það er líka sérkennilegt að sakborningarnir eru dæmdir fyrir Nordica kreditreikninginn sem Jón Gerald bjó til. Jón Gerald er svo sýknaður, sjálfur höfundurinn reikningsins og málsins í heild. Stórkostlegt réttlæti hér á ferð.

[Auðun Gíslason, 3.5.2007 kl. 14:25]

60 milljóna reikningurinn?  Er það ekki reikningurinn sem Gerald "fakaði"?  Þetta eru smámunir einir.  Einhverjum er örugglega þungt í skapi í Seðlabankanum núna!

[Kristján Pétursson, 3.5.2007 kl. 20:36]

Þetta stærsta sakamál Íslandssögunnar er nú orðið að músarindli.Héraðsdómur dæmir Jón Ásgeir í 3.mán.skilorðsbundinn dóm,sem er hliðstæð refsing og fyrir ítrekað búðarhnupl.Hann er dæmdur fyrir eitt sakaratriði af 58,sem embætti Ríkislögreglustjóra lagði upp með.Þetta er náttúrlega stærsta réttarhneyksli, sem um getur hér á landi.Vísa á blogg mitt í dag um þetta mál.