Sorglegar fréttir frá Portúgal

Það var mjög sorglegt að sjá morgunfréttirnar á Sky í morgun og heyra af slysinu á ströndinni í Sagres á Algarve í Portúgal. Þetta var skiljanlega fyrsta fréttin á bresku stöðvunum og farið yfir stöðu mála. Það sem vakti mesta athygli mína var að þau voru nafngreind strax í fyrstu frétt, sem ég sá allavega. Veit ekki hvaða reglur gilda svosem um nafnbirtingar þarna, en þetta vakti athygli mína.

Sá líka viðtöl við heimamenn þarna sem greinilega hafa kynnst því vel hversu ægifögur ströndin getur verið. Þarna hafa áður verið slys að mér skilst. Það er reyndar vandfundnir fallegri staðir á yndislegum degi en strendurnar á Algarve-svæðinu.

En fegurðin sem þar er getur breyst í viðsjárverðar hættur eins og hendi sé veifað. Það er vonandi að þetta slys verði víti til varnaðar hvað það varðar að sjórinn getur orðið hættulegur í vissum aðstæðum.

Hjón drukknuðu er þau reyndu að bjarga börnunum sínum

Athugasemdir

[solveig Hannesdóttir (IP-tala skráð) 23.10.2007 kl. 17:57]

S..æll vertu.

   Ég varð að senda inn athugasemd, en þessi frétt sló mig eininig mjög mikið. Hefi sjálf verið tengd Portugal í 20 ár, og verið á ströndunum þar. Heimamenn þekkja strandirnar sínar og vara börnin sín við og kenna þeim. Þær eru um leið að vera gifurlega fallegar og hreinar, eru þær stundum ógvekjandi en yfirleitt stuttan tíma í senn. En ósköp fannst mér gott að sjá að þú ert ánægður með strandirnar í Portugal, á einhvern hátt bera þær af.

[Stefán Friðrik Stefánsson, 23.10.2007 kl. 22:56]

Takk kærlega fyrir kommentið Sólveig. Hef komið á þessa strönd og farið um þessa svæði, svo að ég veit vel hvernig aðstæður eru þarna. Þetta er verulega sorglegt mál, enda vanmetur fólk oft á tíðum þunga hafsins þegar að öldurnar eru miklar og vindáttir eru óhagstæðar.

mbk.