Dapurleg örlög klámstjörnu

Það er ánægjuefni að lík háskólastelpunnar, sem átti sér litríka fortíð sem klámstjörnu á netinu í fullum blóma, hafi fundist. Mér finnst samt mikill leyndarhjúpur hvíla yfir þessu máli. Ekki virðist dánarorsök liggja fyrir en þó virðast grunurinn beinast að tilteknu fólki ef marka má frétt um málið á vef CNN. Miklar sögusagnir voru í upphafi um þetta mál, eftir að lögreglan ljóstraði upp um fortíð stelpunnar og talið að það tengdist hvarfi hennar.

Skrifaði ég aðeins um þetta í gærkvöldi, það er gott að þær tilgátur sem ég hugleiddi voru ekki ástæður morðsins. En það var ekki óeðlilegt að varpa þeim upp. Í Bandaríkjunum hafa verið framin morð sem tengjast klámi og t.d. hafa raðmorð verið framin á vændiskonum og klámstjörnum, svo að ekki var óvarlegt að íhuga þann möguleika. Virðist þetta fyrst og fremst vera harmleikur án tenginga í klámheiminn á netinu sem stelpan var í.

Lykilatriði í að leysa þetta mál var að finna líkið. Þrátt fyrir að sagt hafi verið að hið tvöfalda líf sé ekki lykilþáttur málsins eru margar spurningar enn til staðar. Vonandi fæst þeim svarað.

Lík bandarískrar háskólastúdínu talið fundið

Athugasemdir

[Fransman (IP-tala skráð) 30.11.2007 kl. 16:32]

Stefán, það hefur verið talað um að *EIN* vefsíða hafi birt nokkrar myndir af henni fáklæddri.

Et til vill var það eitthvað sem hana dreymdi um, en er það ekki undarlegt að kalla hana "klám stjörnu" út á það ?

Það lyktar af fordómum gagnvart þeim sem starfa í klámiðnaðinum. 

[Stefán Friðrik Stefánsson, 30.11.2007 kl. 16:36]

Má vera. Bandarískir fjölmiðlar tala um porn star, eins og sést t.d. í fréttinni af cnn.com sem ég linka á. Vond örlög en þetta er greinilega það sem hún er nefnd í fréttum.

mbk.