Gefið í skyn að Ólafur F. sé flughræddur

Mér finnst það svolítið kostulegt að búið sé að koma á flot þeirri kjaftasögu að Ólafur F. Magnússon, borgarstjóri, hafi ekki farið á fund norrænna borgarstjóra vegna þess að hann sé kannski flughræddur. Það virðist vera að kjaftasögurnar og orðrómurinn um hitt og þetta hvað varðar Ólaf F. sé ekki beinlínis að minnka.

Það hefur verið sagt svo mikið að það er kannski erfitt að toppa það, en þessi saga er aðallega fyndin. Fannst það rétt hjá borgarstjóranum að sinna sínum verkum heima í stað þess að fara. Staðan er bara þannig að nýr borgarstjóri þarf mun frekar að vera sýnilegur borgarbúum í verkum en starfsfélögum hans á erlendri grundu.

Það hefur ekki vantað pælingarnar um þá ákvörðun Ólafs F. að sitja heima. Ein þeirra var sú að hefði meirihlutinn fallið. Það er í meira lagi fyndin kenning, enda stendur fundurinn frá deginum í dag til föstudags. Næsti borgarstjórnarfundur er ekki fyrr en á þriðjudag.

Athugasemdir

[Gísli Baldvinsson (IP-tala skráð) 30.1.2008 kl. 16:56]

Tek undir orð þín. Ljótt að gefa svona í skyn. Ég hafði ekki heyrt þetta áður en þú bentir á þetta. Hvar birtist þetta?

[Stefán Friðrik Stefánsson, 30.1.2008 kl. 17:16]

Þú mátt kalla mig hvað sem þú vilt Alex, það gerir þig ekkert skárri við það. Ég veit ekki betur en ég sé með málefnaleg skrif hér og er ekki að ráðast að neinum. Það verður seint sagt um mig að ég skrifi ómerkilega um aðra. Það var rétt hjá Ólafi að vera heima, það eru næg verk að vinna. Það hefur gerst áður að borgarstjóri hafi ekki setið þennan fund.

DV í dag, Gísli.

[Gísli Baldvinsson (IP-tala skráð) 30.1.2008 kl. 17:58]

Mér finnst Stebbi ekki vera "strámann" en DV er ekki að mínu viti áreiðanlegri heimildarmaður en Gróa nokkur sem kennd var við Leiti. En ítreka enn og aftur að þó ég sé ekki alltaf sammála þér SFS þá ertu málefnalegur!

[Kristján Eldjárn Þorgeirsson, 30.1.2008 kl. 18:07]

Sammála þér Stefán!  Borgarstjóri þarf að vera sýnilegur fólkinu.  Svo er eitt sem ég skil ekki með svona fundi, á þeim tímum sem við lifum á núna er til mjög fullkominn fjarfundarbúnaður, sem ég sé fyrir mér að borgarstjóri gæti auðveldlega notað.  Svona ferðir eru oft á tíðum farnar bara til þess að viðkomandi komist ókeypis til útlanda, því oft á tíðum kemur ekkert vitrænt út úr svona ferðum.  Og oft eru þessar ferðir farnar fyrir fé okkar skattborgaranna.  Ég vil hvetja nýja borgarstjórann til þess að taka upp fjarfundarbúnað eða vefmyndavél þá getur hann verið á Íslandi á þessum fundum.

Kveðja!

[Gísli Sigurðsson, 30.1.2008 kl. 18:56]

Kristján, þær eru ekki oft farnar fyrir skattpeninga heldur alltaf. Og það var ekki eins og þessi ferð væri felld niður, Vilhjálmur Þ fór og einhverjir með honum sjálfsagt til að passa upp á minnisblöðin