24 stundir er að verða besta dagblað landsins

Er ekki hissa á því að 24 stundir sé að vaxa í lestri. Mér finnst það að verða besta dagblað landsins. Les það fyrst á morgnana og hef gaman af. Finnst það vera ferskt og vera að gera hlutina fagmannlega og umfram allt vel. Ólafur Þ. Stephensen hefur staðið sig vel sem ritstjóri, eins og við var að búast og er að gera blaðið að stórveldi í blaðalitrófinu hérna heima.

Það sást vel að Fréttablaðið svaraði tilkomu 24 stunda í stað Blaðsins með mikilli auglýsingaherferð og ef marka má stöðuna mega þeir fara að passa sig með toppsætið. Þetta blað er í mikilli sókn og ég tel að þessi lestraraukning marki ekki hápunkt þeirrar bylgju sem það er að fá með sér eftir breytinguna á blaðinu með nýju nafni og umgjörð.

Það hefur mikið verið spáð í hvort að Ólafur verði eftirmaður Styrmis á Mogganum, en hann hættir í október - verður sjötugur í mars eins og flestir vita. Hann yrði mjög vænlegt ritstjóraefni þar og er að sýna með verkum á 24 stundum að hann kann sitt fag. Það kannski fer svo að hann vilji ekkert fara og halda áfram með góð verk á þeim miðli sem er í sókn.

Lestur á 24 stundum eykst

Athugasemdir

[Auðbergur Daníel Gíslason, 5.2.2008 kl. 21:49]

Ég er sammála þér, þó svo að mér finnist nú Morgunblaðið enn vera besti miðilinn. Það er rétt að 24 stundir hafa verið á mikilli siglingu upp á síðkastið og vona ég að það haldi áfram.

Auðbergur D. Gíslason
14 ára Sjálfstæðismaður

[Stefán Friðrik Stefánsson, 5.2.2008 kl. 22:10]

Mogginn er mjög gott blað, en ég verð æ oftar ósáttur við ritstjórnarskrif blaðsins. Finnst það vera ansi oft frekar fjarri því að vera alvöru hægriskrif. En þetta eru góð blöð bæði tvö. Það er þó ljóst að 24stundir er ferskara og að gera hlutina mjög vel og það stendur sig mjög vel. Ólafur Stephensen er toppmaður í sínum bransa. Það verður áhugavert að sjá hver tekur við Mogganum í haust, enda veitir því blaði ekki af smá uppstokkun.

mbk.

[Bjarki Hilmarsson (IP-tala skráð) 5.2.2008 kl. 22:45]

Svo er maður orðinn ansi þreyttur á tíðum málfars og stafsetningar villum í mogganum.  Greinilegt að þeir hafa losað sig við prófarkalesarana.

[Pétur (IP-tala skráð) 6.2.2008 kl. 01:01]

24 stundir eru með íþróttafréttamenn aðallega, jafnt sem aðra blaðamenn, sem orða hlutina alveg fáránlega og það jaðrar við að ég missi matarlystina við morgunverðarborðið þegar ég les þetta. Ég vildi að ég gæti komið með dæmi en ef þið lesið þessa litlu íþróttadálka á morgun þá vitiði hvað ég meina. Fréttablaðið owns.

[Einar (IP-tala skráð) 6.2.2008 kl. 08:27]

Oftast  er ég sammála Stefáni en alls ekki núna. 24 stundir og Fréttablaðið bjóða upp á sömu fréttirnar sem maður er hvort eð er löngu búin að lesa á netinu. Ég tel þessi blöð algjört rusl. Íslensk blaðamennska er alls ekki sambærileg við það sem maður sér erlendis. Hún er í mikilli afturför. Mogginn er því miður í mikilli afturför. Þar hefur mikið af góðu fólki hætt og mér finnst maður sjá að blaðið er allt mjög slappt. Moggin var einu sinni fínt blað.

Ég get bara alls  ekki séð að 24 stundir sé ferskt blað. Ég fletti því á hverjum degi og þarna er bara dót sem ég hef séð áður. Svo er það mjög illa skrifað.

Aukningin í lestrinum er nú ekki svo rosaleg. Skoðið könnunina. Blaðið er aðeins fyrir ofan Moggann á flestum virkum dögum. Lesturinn á laugardagsblaðinu sem er aðalblað vikunnar er minni en á laugardagsblaði Moggans. 24 tímar kemur ekki út á sunnudögum og mánudögum. Blaðið er ekki með í fréttasamkeppninni þegar flestir hafa tíma til að lesa blöðin! Er þetta svona æðislegt? Kom on!

Fólk á aldrinum 12-19 ára les ekki 24 stundir. Rúmlega 40% lestur á blaði sem sett er ókeypis inn um lúguna hjá fólki án þess að beðið hafi verið um það er ekki mikið. Ég held þvert á móti á það sé frekar lélegt. Tala nú ekki um alla auglýsingaherferðina sem hlýtur að kosta mikið. Nei 24 stundir á langt íalnd og ég efast um að það nái fréttablaðinu sem mér finnst líka algjört rusl og bara ofvaxinn auglýsingableðill.