Umdeild auglýsing á moggablogginu

Mér brá svolítið í gær þegar að það var komin auglýsing frá Nova í hornið á bloggvefnum mínum, og öllum öðrum hér á moggablogginu. Er svolítið hissa á því að okkur sem skrifum hér sé ekki einu sinni tilkynnt fyrirfram að plássið hafi verið selt og við þurfum að auglýsa stórfyrirtæki með skrifum okkar. Það hefur verið sendur póstur til okkar moggabloggara frá yfirstjórn blog.is af mun minna tilefni en þessu allavega.

Þegar að ég byrjaði að blogga hér haustið 2006 var auglýsing frá Landsbankanum að mig minnir í þessu plássi. Svo hvarf hún og plássið autt í mjög langan tíma. Á miðju þessu auglýsingalausa tímabili var nokkrum moggabloggurum boðið að auglýsa sparisjóðinn Byr og ákváðu sumir þeirra að taka því boði. Þá var meira að segja talað um að hver bloggari gæti jafnvel selt sitt auglýsingapláss með sínum hætti.

Er svosem ekkert á móti því að auglýsing sé, en hún er ansi áberandi, allavega eftir svo langan auglýsingalausan tíma. Verst er að þeim sem skrifa er ekki tilkynnt um þessa stefnubreytingu. Hef fundið vel fyrir ólgu meðal fjölda bloggara með þessar nýjustu vendingar. Annars lít ég svo á að ég hafi bloggplássið algjörlega ókeypis og það er mjög gott, hingað koma lesendur og það er jákvætt og gott auðvitað.

Skil að sumir séu pirraðir yfir þessu. Held samt að enginn sé pirraðri en Vodafone, en mér fannst fyndnast af öllu að sjá auglýsingu Nova á bloggvef fyrirtækisins hér.

Athugasemdir

[Ásdís Sigurðardóttir, 8.2.2008 kl. 16:05]

Mér finnst þetta bara í góðu lagi og var bara ánægð að sjá þessa líflegu auglýsingu bætast við á síðuna mína.  Auglýsingin sem slík hefur engin áhrif á mig. Mér finnst frábær þjónustan hjá þeim blogg mönnum og finnst bara allt í lagi að þeir noti autt pláss.  Við fáum jú topp þjónustu frítt.

[Guðrún Emilía Guðnadóttir, 8.2.2008 kl. 16:35]

Ég er nú ekki alveg sammála vinkonu minni frá Húsavík, búandi á Selfossi.
Við fáum toppþjónustu frá blogg strákunum,
en þessi auglýsing pirrar mitt auma auga,
en hún venst nú trúlega.
Flott hjá þér toppmyndin.
                     Kveðja frá Húsavík.

[Stefán Friðrik Stefánsson, 8.2.2008 kl. 16:41]

Jamm, Ásdís mín, þetta er kannski í lagi, svo langt sem það nær, en mér finnst þetta svolítið dónalegt að gera þetta án tilkynningar til okkar. Hefði mátt standa betur að þessu.

Takk kærlega fyrir kveðjuna Milla.

mbk.