Veikluleg yfirlýsing hjá Geir um Vilhjálm Þ.

Það er ekki hægt að segja annað en að "stuðningsyfirlýsing" Geirs H. Haarde, formanns Sjálfstæðisflokksins, við Vilhjálm Þ. Vilhjálmsson sé máttlaus og veik. Hún er hol og ósannfærandi. Hann getur ekki einu sinni lýst yfir stuðningi við að leiðtogi flokksins sé afgerandi borgarstjóraefni á þessu kjörtímabili en muldrar ósannfærandi að það bara ráðist. Þetta er eins aumt og það getur orðið og er eiginlega besta dæmið um það hversu dauður pólitískt Vilhjálmur Þ. er eiginlega orðinn.

Mér finnst það ábyrgðarhlutur að formaður Sjálfstæðisflokksins ætli sér að vaka yfir þessu rugli og blessa það með þeim hætti og hann er að gera svo augljóslega. Blaðamannafundurinn í dag með Vilhjálmi var að mínu mati kristalsdæmi þess hversu vond staða hans er orðin. Hann virðist ekki bera skynbragð á það hvernig staðan er og eiginlega með algjörum ólíkindum að forysta flokksins hafi ekki gripið í taumana og tekið á þessu ráðleysi sem upp er komið með leiðtoga í borgarmálunum, leiðtoga í höfuðvígi flokksins, sem hefur enga stjórn orðið lengur á eigin ferli og getur ekki tryggt farsæla forystu lengur.

Þetta lyktar því miður allt af því að það sé verið að halda dauðahaldi í Vilhjálm Þ. Vilhjálmsson meðan að nokkrum aðilum þóknast það, væntanlega til að geta skotið nýjum "forystumanni" inn með sama hætti og Markúsi Erni var skotið inn fyrir sautján árum. Á meðan verði lappað upp í Vilhjálm. Þessi atburðarás er öll Sjálfstæðisflokknum til skammar og mér finnst formaður flokksins ekki traustvekjandi við að blessa þessa vitleysu alla.

Geir: „Tek afstöðu þegar þar að kemur“

Athugasemdir

[Kristján Pétursson, 11.2.2008 kl. 20:40]

Þetta er að verða eitt versta klúður,sem Sjálfstæðisfl.hefur staðið frammi fyrir um langt skeið.Formaður flokksins er úrræðalaus og hræddur að taka ákvörðun í málinu.Reyndar ber þingfl.það með sér í ríkisstjórn,að leiðtoginn er framkvæmdalítill.

Þegar ljóst var að Vilhjálmur var kominn i ógöngur og gat ekki leyst sín mál i borgarstjórn,þá átti Geir náttúrlega að stíga fram og auðvelda Vilhjámi að hætta.

[Gísli Sigurðsson, 11.2.2008 kl. 20:49]

Það má kannski segja það Geir til vorkunnar að það er ekki fyrir neinn meðalmann að taka við af Davíð en nú held ég að Geir hafi endanlega sýnt að hann er ekki einu sinni meðalmaður í þessu sæti.  Og varðandi hlut hinna 6 félaga Vilhjálms þá minnir þeirra flótti helst á það þegar rottur flýja sökkvandi skip. Læðast út um kjallaradyr til að þurfa ekki að hitta fréttamenn.  Þeir taka ekki af skarið í hvoruga áttina hvorki honum til stuðnings né falls. Það hefði verið miklu hreinlegra og heiðarlegra af þeim að segja Vilhjálmi bara að þetta væri búið og hann hefði ekki þeirra stuðning lengur heldur en að lengja fyrir honum pólitíska dauðastríðið. Kallað líknandi meðferð.

[Sæmundur (IP-tala skráð) 11.2.2008 kl. 21:13]

Veikluleg yfirlýsing hjá Geir um Vilhjálm Þ.

Afleit ákvörðun Vilhjálms - klúður í Valhöll

Veikburða leiðtogatafl sjálfstæðismanna í Reykjavík

Veik staða Vilhjálms - uppgjör framundan

Beðið eftir afsögn Vilhjálms Þ. Vilhjálmssonar

 Vilhjálmur Þ. verður að segja af sér

 Vilhjálmur leitaði til Hjörleifs - algjört klúður

 Havð segja ofangreindar fyrirsagnir um flokkinn

Lýðræðisflokkur?

Flokkurinn sem leyfir endalaus mistök að mig minnir?

man ekki meir 

[pétur svavarsson (IP-tala skráð) 11.2.2008 kl. 21:26]

......algjörlega sammála síðasta ræðumanni. Eigum við virkilega að böglast með þetta "lík" fram að næstu kosningum???????? Hvar er framkvæmdastjóri flokksins?? Hefðu svona hlutir gerst meðan Kjartan var við völd? Þeir hefðu átt að rekann fyrr. Flokkurinn minn er að fara í hundana............HJÁLP. DAVÍÐ, REYNDU AÐ KOMA VITINU FYRIR ÞESSUM HÁLFVITUM.

[Haraldur Haraldsson, 11.2.2008 kl. 21:41]

Segðu mér Stefán ,hvað gat hann Geir og aðrir sagt og gert, maðurin er kosin til 4 ára og verður sjálfur að hætta/Halli gamli

[Ásdís Sigurðardóttir, 11.2.2008 kl. 23:34]

Þetta er allt hið mesta leiðindamál og flokkurinn á eftir að þjást fyrir það.

[Kristján Eldjárn Þorgeirsson, 12.2.2008 kl. 07:59]

Ég held að sjálfstæðisflokkurinn verði að passa sig betur á svona klúðri innan flokksins.  Ef hann gerir það ekki gæti farið fyrir honum eins og Framsóknarflokknum, þar sem hvert innanbúðarklúðrið hefur rekið annað og formaðurinn virðist ekki hafa kjark til að taka af skarið í svona máli.  Margir muna sjálfsagt eftir því hvernig Davíð Oddsson tók á málum Árna Johnsens sumarið 2001, og gerði honum að segja af sér þingmennsku.  Það sama hefði Geir átt að gera núna varðandi Vilhjálm.  Davíð náði nefnilega að halda heraga í flokknum og fólk talaði samstíga og var samtaka.  Þess vegna var/er flokkurinn með svona sterkt fylgi.  Ef Geir heldur ekki þessari stefnu flokksins þá er voðinn vís að mínum dómi.

[Bjarni Kjartansson, 12.2.2008 kl. 10:19]

Sjáðu til Stebbi minn.

Lög standa til, að þeir sem ná kjöri í Sveitastjórnarkosnignum eru fulltrúar, til 4ura ára, hvort þér líkar betur eða verr.

Það eru ekki til nein LÖGLEG meðul, sem Geir hefur til að ýta við Vilhjálmi.

Við vitum ekkert um hug borgarfulltrúa til eftirmanns Vilhjálms eða hvort nokkur samstaða sé þar um.

Vonandi fer þetta allt saman vel, þegar ró kemst á og hitinn rénar.

ÞAngaðtil, væri ekki úr vegi hjá þér, að benda félögum þínum á Akureyri, að það hefur ekkert uppá sig, að lengja brautina þarna hjá ykkur, fjörðurinn er of þröngur til að hægt sé að bjóða upp á varaflugvöll í millilandafluginu og svo er fullbúinn mjög góður flugvöllur í Aðaldal.  Notiði hann, þá ser komin ástæða til að bora í gegnum brekkuna þarna sem þið kallið ,,heiði" Vaðlaheiðina.

Miðbæjaríhaldið

bendir á það sem betur mætti fara í brúkun fjármuna allra landsmanna.

[Ingólfur, 12.2.2008 kl. 15:49]

Bjarni, geturðu bent mér á þau lög sem segja að Flokksformaðurinn verði að styðja ónýtan oddvita.

Ef Geir eða eitthver sexmenninganna hefði þor til þess að standa upp og segja að þeir styddu hann ekki til þess að sitja áfram, að þá hefði það ekkert upp á sig fyrir Vilhjálm að sitja áfram.

En það á greinilega ekkert að taka á málinu og bara að vona að fólk verði búið að gleyma þessu þegar hann tekur við sem borgarstjóri.