Eduardo úr leik - svakalegt fótbrot í Birmingham

Það var svakalegt að horfa á þegar að Martin Taylor tæklaði Eduardo Da Silva svo illa að hann fótbrotnaði í Birmingham í dag. Þetta er versta fótbrot sem ég hef nokkru sinni séð og atvikið var reyndar svo slæmt að það var ekki sýnt í endursýningu.

Þetta var skelfilega brútal tækling og eðlilegt að Wenger og hans menn í Arsenal séu æfir. Þeir hafa þegar sagt að Taylor eigi aldrei að leika knattspyrnu framar. Ég var eiginlega orðlaus yfir þessu atviki, enda er þetta með því svakalegra sem sést hefur í boltanum og er enn eitt merkið um hversu rosalega óvæginn leikurinn er orðinn í boltanum.

Þetta hlýtur að verða metið ein verstu íþróttameiðsl í boltanum. Ökklinn virðist hafa mölbrotnað og það var átakanlegt að sjá hversu kvalinn Eduardo var og liðsfélagarnir sem sáu atvikið áttu greinilega erfitt með sig, voru á barmi þess að brotna algjörlega niður. Svartur dagur í boltanum og skelfilegur atburður.

Nú eru möguleikar Eduardos á að fara á EM úr sögunni og fróðlegt að sjá hversu lengi hann verði að ná sér. Þeir hjá Arsenal eru æfir og lái þeim hver sem vill. Þetta er sorglegt atvik sem sýnir hvað sportið er orðið brútalt.

Eduardo fótbrotnaði - Birmingham jafnaði í lokin

Athugasemdir

[Ásdís Sigurðardóttir, 23.2.2008 kl. 17:48]

Ég er hundfúl yfir því að Birmingham tókst svo að jafna. Hryllilegt brot, manni verur illt að horfa á.

[Grétar Rögnvarsson, 23.2.2008 kl. 17:49]

Alveg sammála þetta var hrikaleg að sjá og Birmngham liðið var mjög gróft í þessum leik tæklandi út um alla völl.

[Tiger, 23.2.2008 kl. 17:50]

  Meiðsl eru orðin, að því er virðist, alltof mikil og alvarleg í sportinu í dag. Manni líður bara illa við það að sjá myndina af þessu skelfilega atviki - að maður tali nú ekki um hve félögum hans hlítur að liðið illa á staðnum.

Mér finnst að það þurfi að taka miklu harðar á alvarlegum brotum í sportinu, útiloka jafnvel menn sem brjóta af sér viljandi eins og stundum virðist vera uppi á borðinu.

[Eysteinn Þór (IP-tala skráð) 23.2.2008 kl. 21:10]

Þetta er ein hrikalegast tækling sem maður hefur séð. Reiði Wengers er skiljanleg. Burt með svona menn úr boltanum!!!!!!!!!!!!!!!!!!! Er sjálfur landsdómari og finnst lélegt ef Taylor fengi bara 3 leikja bann.

[Bimbó (IP-tala skráð) 23.2.2008 kl. 23:41]

Þetta er þekkt tæklingabragð, from the old days, Fyrir tilviljun tókst að festa eitt atvikið á filmu framanfrá , þá ofbauð mönnum algerlega , og var talið um ásetning að ræða , Allar götur síðan er vitað að þessi tækling hefur þessa hættu í för, þá er maðurinn stígur í fótinn . Af nýlegum fréttum má mynnast þess atburðar er innfluttur  leikmaður í handboltaliði veður að andstæðingi og gefur honum hnefahögg , Skyldi það hafa verið óvart,,?? Silva má bara prísa sínu sæla að hafa ekki líka fengið rauða spjaldið,, Góður íþróttamaður,eða hugtakið drengur góður, já hvað er nú það,, Eins og það getur verið gaman að horfa á góðan leik snillinga sem eru að spila knattspyrnu af snilld,, Frekar sjaldséð nú orðið ,, Alltaf er einhver inná vellinum með ,,dettu,, eða tæklingartakta sem þessa. Burt með atvinnuhrotta af vellinum !!!

[Gísli Sigurðsson, 24.2.2008 kl. 12:01]

Ég sá reyndar ekki leikinn, en það sem ég hef heyrt er að Taylor hafi einfaldlega verið of seinn í tæklinguna og því fór sem fór. Þessir strákar eins og Eduardo og Ronaldo og fleiri eru svo skruggufljótir að þessir varnarsleðar eiga engan séns í þá og þá getur farið svona. En svo er það spurning hvort ætti ekki bara að setja rauða spjaldið á alla sem fara með sólann á undan sér í tæklingar hvort sem þeir ná manninum eða ekki. Ef sú regla yrði tekin upp færu menn að hugsa sinn gang.