Vilhjálmur Þ. Vilhjálmsson riðar til falls

Það er greinilegt að hverfafélögin í Reykjavík eru byrjuð að snúa baki við Vilhjálmi Þ. Vilhjálmssyni sem leiðtoga Sjálfstæðisflokksins í Reykjavík og er það endanleg staðfesting þess að hann riðar til falls. Nú eru Landssamband sjálfstæðiskvenna og Hvöt að undirbúa ályktanir til stuðnings Hönnu Birnu Kristjánsdóttur sem næsta leiðtoga í borgarmálunum.

Ekkert við þetta þarf að koma að óvörum. Grasrótin í flokknum er búin að fá nóg af þeirri atburðarás sem hefur staðið yfir í forystusveit flokksins í borginni og kallar eftir því að tekið verði á þessum vanda sem fyrst. Það er ekki lengur neinn valkostur að horfa þegjandi á þessa atburðarás. Það er nú mikilvægt að fólk tjái sig og fari yfir skoðanir sínar opinskátt.

Það er vandséð hvernig Vilhjálmur Þ. Vilhjálmsson geti horft framhjá þessari stöðu sem upp er komin og þeirri atburðarás sem komin er upp eftir að barst út að hann ætlaði að halda áfram eins og ekkert hefði í skorið.

Hverfafélag vill ekki Vilhjálm sem borgarstjóra

Athugasemdir

[Heimir Lárusson Fjeldsted, 23.2.2008 kl. 18:57]

Eiga hverfafélög og kvennafélög að breyta niðurstöðu prófkjörs?

Er skrýtið að æ fleiri snúa baki við gerræðinu?

Atburðarrásin var hönnuð (fyrir Hönnu).

[Ásdís Sigurðardóttir, 23.2.2008 kl. 19:01]

Og nú segjast samstarfsmenn hans taka ákvörðun fyrir hann ef hann birti hana ekki á morgun.

[Baldvin Nielsen (IP-tala skráð) 23.2.2008 kl. 19:53]

Falli  Vilhjálmur Þ. Vilhjálmsson sem oddviti fellur þá  meirihlutinn í Reykjavík  með honum?

Baldvin Nielsen, Reykjanesbæ

[Heimir Lárusson Fjeldsted, 23.2.2008 kl. 20:12]

Bernskan segir þeim að sextugur maður sé búinn.

[Kolbrún Stefánsdóttir, 23.2.2008 kl. 21:30]

Sammála Heimi. Það er meira á bak við þetta allt saman en atferli einstaklingana. Mikil undiralda virðist vera í fylkingunum í Sjálfstæðisflokknum. Líka spurning hversu margir voru á þessum hverfis-og kvenfélagsfundi :) Afar skrýtin staða. Hver ætli hafi borgað fyrir þessa skoðanakönnun sem kom sér svona vel fyrir Hönnu? kveðja Kolla

[Baldvin Nielsen (IP-tala skráð) 23.2.2008 kl. 21:38]

Falli Vilhjálmur sem oddviti Sjálfstæðismanna í Reykjavík, fellur þá meirihlutinn með honum?

Baldvin Nielsen, Reykjanesbæ

[Anna Benkovic Mikaelsdóttir, 23.2.2008 kl. 22:37]

Stefán , þú kemur virkilega á óvart sem talsmaður lýðræðis

[Haraldur Haraldsson, 23.2.2008 kl. 23:47]

Hverfafélag hvaða???? maður vildi fá að vita það,Ekki eru þau i Breiðholti svo mikið er vist,þetta er orðið að móðursíki þetta allt/Halli gamli

[Sigurður Þórðarson, 24.2.2008 kl. 01:18]

Ég hefði haldið að Villi ætti einmitt mikinn stuðning í hverfafélögum.

[Óðinn Þórisson, 24.2.2008 kl. 11:18]

þetta klárast í dag eða síðasta lagi á morgun - vþv verður að setja sína hagsmuni til hliðar og taki ákvörðun með hagsmuni flokksins að leyðarljósi.