Glæsilegur íslenskur sigur í Slóvakíu

Mikið innilega var það notalegt að sjá íslenska landsliðið sigra það slóvaska með glæsibrag í kvöld. Óska strákunum innilega til hamingju með að landa þessum sigri. Þetta var auðvitað sætur og ánægjulegur sigur eftir frekar vonda tíð að undanförnu hjá landsliðinu og vonandi að þessi sigur marki að við séum komin á beinu brautina með liðið.

Það er orðið nokkuð um liðið síðan að landsliðið hefur getað leyft sér þann munað að gleðjast yfir leik sínum og það er fullt tilefni til þess í kvöld. Það var auðvitað gæfuspor að skipta um þjálfara í haust og ráða Ólaf Jóhannesson, margreyndan þjálfara, til að taka við landsliðinu. Það þurfti að skipta um kúrs. Og ég tel að það séu allar forsendur til að hann geti náð þeim árangri sem við öllum ætlumst til af honum.

Ákvarðanir hans fyrir leikinn sýndu vel að hann er að hugsa um að breyta vel til. Eiður Smári var t.d. ekki fyrirliði og honum send viss skilaboð með því. Það á enginn neitt pláss hjá Ólafi. Heilt yfir er mikilvægt að nýr þjálfari stokki upp og mér finnst hann hafa lagt góðan grunn að því sem koma skal á næstunni.

Öll vonum við að bjartari tímar séu framundan hjá landsliðinu nú eftir þennan sigur í vináttulandsleik við Slóvakana. Við getum verið stolt af okkar mönnum því á þessu kvöldi. Það eru margir góðir nýjir leikmenn að sýna að þeir standa sig vel og nýjir tímar eru vonandi framundan - það er lykilatriði að á þessum góða efnivið verði byggt nýtt og sterkt landslið á komandi árum.

Eiður og Gunnar tryggðu sigur gegn Slóvökum

Athugasemdir

[Dísa Gunnlaugsdóttir, 27.3.2008 kl. 10:48]

Glæsilegt

[steiner (IP-tala skráð) 27.3.2008 kl. 18:21]

það var hálfgerður heppnisigur hjá okkar mönnum en sigur er samt sigur og það skal ekki gera lítið úr því ,,, og um að gera að nota svona vináttuleiki til að prófa nýja hluti og nýja menn ,en við skulum vera hæfliega bjartsýnir á framhaldið