Kröftug mótmæli atvinnubílstjóra á Akureyri

Mótmæli atvinnubílstjóra á Akureyri í dag eru ein þau kröftugustu sem ég man eftir hér í bæ. Fylgdist með í tæpan klukkutíma við stofugluggann minn hér í Þórunnarstrætinu þegar að bílalestin fór niður götuna. Þetta er ein mesta umferðargata bæjarins, en það var vægast sagt ekið löturhægt um hana nú á sjötta tímanum.

Eins og ég sagði hér fyrr í dag eru bílstjórar hér á Akureyri að senda mjög sterk skilaboð, þeir fylgja félögum sínum fyrir sunnan. Finnst þetta flott hjá bílstjórunum. Það er kominn tími til að almenningur í þessu landi tjái sig hreint út um eldsneytisverðið og sendi skýr skilaboð til stjórnvalda. Það er flestöllum algjörlega nóg boðið.

Bílstjórar mótmæla á Akureyri

Athugasemdir

[Anna Lóa Svansdóttir, 1.4.2008 kl. 18:41]

Ég bý hérna á Akureyri líka og tók þátt í þessari bílalest. Ég er svo ánægð með þetta framlag og vona að Ríkið geri eitthvað í sínum málum; af 150 kr fær Ríkið 72kr!!!

[Stefán Friðrik Stefánsson, 1.4.2008 kl. 20:56]

Jamm þetta var virkilega flott. Um að gera að senda góð skilaboð í þessu máli.

mbk.