MR sigrar Morfís - fór skólabaráttan of langt?

Óska MR til hamingju með að sigra í Morfís. Ekki er langt síðan að skólinn vann Gettu betur í enn eitt skiptið. Tók helst eftir því í slag MR og MH hversu langt var gengið. Öllum brögðum var beitt á milli skólanna og fátt, ef nokkuð, var heilagt í þeirri rimmu. Kannski var þetta allt gert aðeins til að fanga fjölmiðlaathygli á keppni sem hefur oftar en ekki fengið mun minna sviðsljós en Gettu betur.

Það var sett á svið allt að því stríð á milli skólanna; forsetum nemendafélaganna var rænt og gert svo margt að það væri of langt mál að telja upp. Það var farið yfir þetta aðeins í innslagi í Kastljósið fyrir helgina. Það var reyndar sjúklega gaman að fylgjast með þessu en það væri gaman að vita hvort að þetta var meðvituð ákvörðun um að peppa keppnina upp og umfjöllun um hana eða bara hreinræktaður slagur milli skólanna og hið gamla góða keppnisskap. Fannst reyndar gaman af sumu en fannst þetta nánast komið út í vitleysu undir lokin.

Morfís er reyndar gömul og góð keppni og fastur liður í félagsstarfi beggja skólanna. Enda mikilvægt að eiga góð ræðulið og gera ræðumennsku að keppnisatriði, ekkert síður en gáfum og heilabrotum í spurningakeppnum. Báðum skólum tókst að peppa keppnina upp og auglýsa hana vel og innilega, með allt að því hreinræktaðri og skemmtilega uppdiktaðri baráttu þar sem skæruhernaður var yfirheitið.

Kannski er þetta heiðarlegur slagur og eðlilegur metnaður um sigur, en það er alveg ljóst að þarna eru vænlegir kandidatar í málflutningi og baráttu eins og sást í þessum slag, sem minnti mun meir á forkosningabaráttu demókrata vestan hafs en margt annað - skemmtilega yfirdrifinn. :)

MR sigurvegari MORFÍS

Athugasemdir

[Daníel Sigurður Eðvaldsson, 6.4.2008 kl. 04:30]

Þeir gerðu nú sömu vitleysuna í fyrra. Þá var þetta skemmtilegt en fannst þetta bara asnarlegt í ár að endurtaka leikinn. En já það er rétt, Morfís dettur yfirleitt í skuggan á Gettu Betur og fær minni umfjöllun. Hinsvegar má svo alltaf deila um skipulag og lög keppninar sem mér finnst þurfi að breyta. Það væri hægt að gera svo margt gott við þessa keppni ef það væru hlutlausir aðilar að sjá um hana. Skemmst er að minnast skandalinn sem fylgdi viðureign MR og FÁ :)

En til hamingju MRingar.

[KátaLína (IP-tala skráð) 6.4.2008 kl. 05:08]

Keppnir eru alltaf skemmtilegar. Kannski hefði almenningur meiri áhuga á Morfís ef ræðukeppnin tæki fyrir mál sem væru í hæstum mælum á þeirri stundu sem ræðukeppnin fer fram. Mér finndist áhugavert að hlusta á þau tekin í gegn ræðutæknilega þar sem fyrirfram er skipað hver er með og á móti...