Bubbi vill fá borgað í evrum - segir krónu ónýta

Bubbi Morthens hefur aldrei verið þekktur fyrir að tala tæpitungu. Nú segir hann krónuna ónýta og vill framvegis fá borgað aðeins í evrum þegar að hann kemur fram opinberlega til að syngja. Er hann greinilega með því að setja sinn kóngsstimpil í bransanum sem lóð á vogarskálar þeirra sem kalla eftir breytingum, opinskárri Evrópuumræðu. Orðaval hans er reyndar þannig að hann vill aðeins fá fram sína skoðun en ekki umræðu um eitt né neitt.

Bubbi er oft ágætur, fer stundum einum of mikið fram úr sjálfum sér. Hef ekki alltaf verið sammála honum. En ég hef oft verið hrifinn af hinum pólitíska tóni í honum, yfirlýsingum um mann og annan. Það er hægt að taka því oft hæfilega alvarlega. Þetta er bara hans stíll. Það væri stílbrot ef Bubbi færi að breyta sér á sextugsaldri fyrir einhverja besservissera úti í bæ.

Þetta er víst bara Bubbi, hann var fílaður svona í denn og engin þörf á að breyta því á 21. öld - hvort sem hann er metinn í krónum eða evrum.

Athugasemdir

[Bárður Örn Bárðarson, 21.4.2008 kl. 21:15]

Held að Bubbi sé nú frekar þekktur fyrir að tala tæpitungulaust. (frekar en ekki þekktur). Já Mér finnst alveg í lagi að ræða þessi mál og mynda sér afstöðu til þess hvort við eigum að sækja um aðild eða ekki en ekki vegna einhverrar augnabliks historíu vegna sveiflukenndrar krónu í einhverja mánuði. Hver vildi taka upp evru fyrir ári eða svo? Nú er hlaupið upp til handa og fóta.

[Halla Rut , 21.4.2008 kl. 22:50]

Smart hjá Bubba.

[Hannibal Garcia Lorca, 22.4.2008 kl. 00:19]

Bara svo lengi sem íslenskan verður ekki úrskurðað ónýtt tungumál, einhvern veginn lýst mér ekkert á að fara að heyra Bubba syngja á ensku ...

[Jens Guð, 22.4.2008 kl. 00:59]

  Bubbi gerði á sínum tíma góðan "díl" við Glitni.  Hann gerði það glappaskot að "gambla" með hlutabréf í FL Group og fleiri dæmum.  Reyndar með ólíkindum að þessi vel gefni maður skuli hafa haldið að arðbært væri að fjárfesta í hlutabréfum flugfélags.  Fólk fjárfestir í flugfélögum vegna annarra hagsmuna en að ávaxta pundið fyrirtækjum sem tapa milljörðum á ári. 

  En nú hefur Bubbi lært sína lexíu og vill fá greitt í evrum.  Þannig er það.  Eins andvígur og ég aðild Íslands að Evrópusambandinu þá varðveiti ég minn litla sjóð í evrum.  Og sé ekki eftir því.  Danska krónan mín - sem er bundin evru - hefur að undanförnu hækkað úr tíkalli upp í 16 kall.  Ein lítil milljón er orðin 1,6 milljónir,  5 millur eru orðnar 8 millur.