Ísland fær ekki farmiða á HM - töpuðu úti

Það fór eins og flestum grunaði; íslenska landsliðið náði ekki að tryggja sér farmiða á HM á næsta ári og að leggja Makedóna. Þó seinni leikurinn væri spilaður hér töpuðu okkar menn ekki möguleikanum á farmiðanum á heimavelli heldur úti. Liðið lék afspyrnuilla gegn Makedónum fyrir viku - fengu einfaldlega vænan rassskell.

Þeir áttu ekki betra skilið en þetta og verða bara að bíta í það súra að þurfa að sitja heima. Þess í stað verður liðið að sýna sitt besta á Ólympíuleikunum í Peking núna í sumar. En auðvitað er það slæmt að landsliðinu hafi ekki tekist að tryggja sæti á HM, en þetta er einfaldlega staðan. Þrátt fyrir góðan seinni hálfleik tókst þetta ekki. Með tapinu úti gerði liðið sér baráttuna erfiðari en ella og svo fór sem fór.

Vonandi er að landsliðið taki sig saman í andlitinu og færi okkur betri handbolta á Ólympíuleikunum en þeir sýndu úti fyrir viku þar sem baráttan fyrir HM-sætinu tapaðist með afspyrnuslappri frammistöðu.

Ísland kemst ekki á HM

Athugasemdir

[Kolbrún Stefánsdóttir, 15.6.2008 kl. 22:55]

Sæll. ÆÆi. Ég verð að segja að mér finnst þeir hafi átt skilið að vinna þetta í dag. Þetta var dómaraskandall og ótrúleg óheppni. Ég er viss um að ef Ólafur Stefánsson ,sem er minn uppáhalds íþróttamaður í öllum íþróttum samtals, hefði " tekið á því " einu korteri fyrr og skorað sjálfur eins og hann gerir stundum þegar hann reiðist þá fer hann í sóló og leikur upp völlinn og skorar og sýnir strákunum að þetta sé víst hægt, þá hefði þetta komið. Það vantaði eitt mark. Í raun féllum við ( þeir) á tíma. Það vantaði reyndar svolitla leikgleði hjá þeim en það hefði kannski kostað einbeitninguna. Óska þeim alls hins besta og okkur sem munum horfa á þá á OL