Barack Obama kallar Söru Palin svín með varalit

Ég er ansi hræddur um að Barack Obama hafi skotið sig illilega í fótinn með því að kalla Söru Palin svín með varalit í ræðu í Virginíu í kvöld. Engum duldist hvert skotið var ætlað. Obama virðist vera að missa sig algjörlega í persónulegum árásum á Söru Palin. Árásir gegn henni hafa orðið mjög persónulegar af hálfu Obama og Biden í dag, en sá síðarnefndi talaði frekar óviðeigandi um fimm mánaða son Palin, sem er með Downs heilkenni.

Hafði mest gaman af að skoða umræðurnar um klippuna á YouTube. Áhugavert spjall. McCain og Palin munu eflaust notfæra sér mjög vel þessi ummæli - fróðlegt að sjá hvaða áhrif þetta furðulega skot frambjóðandans muni hafa á kvennafylgið. Kannanir gefa til kynna að McCain hafi náð forskoti með kvennafylgið. Því er kannski varla furða að Obama sé orðinn eitthvað óstöðugur.

Hann er greinilega kominn í vörn og reynir að sækja að Palin til að endurheimta sess sinn í baráttunni fram að þessu. Palin hefur tekið það af honum, eins og ég benti á í bloggfærslu fyrr í kvöld. Er ekki viss um að þessar árásir styrki Obama mikið. Hann fær á sig allt aðra ímynd með svona ergju og virðist vera að fara á taugum í fylgistapinu.

Athugasemdir

[Róbert Björnsson, 10.9.2008 kl. 01:48]

Vá hvað þú ert að misskilja hlutina!  Hefur þú virkilega aldrei heyrt þennan málshátt áður?  Hann er ekki að beina þessum orðum að persónu Söru Palin heldur er hann að benda á að það "Change" sem McCaine er að bulla um er bara þvaður.  

Af Urban Dictionary.com:

1.	putting lipstick on a pig	34 up, 4 down
	A term used by many, generally in reference to someone who may be trying to make something or someone look appealing or attractive when it quite clearly will not work, or will only deceive the dumbest of people. Car salesmen are generally good at "putting lipstick on a pig" because they are always selling unroadworthy buckets of shit and try and hide their shitfulness by tarting them up. The dude in that car yard just put a body kit on that piece of shit. Talk about putting lipstick on a pig by Scoundrel Aug 10, 2004 email it 0 comments
2.	putting lipstick on a pig	12 up, 16 down
	trying to make the ugly fuck look good "making cara look hott is like putting lipstick on a pig"

	Vonandi áttar þú þig á mistökunum og leiðréttir þessa færslu.

[Arnar (IP-tala skráð) 10.9.2008 kl. 02:20]

Hann er alls ekki ad kalla hana svin. Hann er ad kalla McCain-Palin frambodid svin i dulbuningi. Hann segir thau thykjast vera odruvisi en George W. Bush en seu adeins svin med varalit.  Thetta tengist konum ekkert.

[Jón Valur Jensson, 10.9.2008 kl. 03:25]

Vitaskuld var þín von og vísa, vökuli Stefán, að vera búinn að blogga um þessa furðufrétt, sem annar hugðist skrifa eitthvað um með morgninum.

Makalaust hvað maðurinn getur hrasað á óheppilegasta tíma, þótt flokksmenn hans séu nú í óða önn að reyna að klóra yfir þetta og sverja af honum að hafa átt við Söru Palin, sem var þó nýbúin í kynningar- og barátturæðu sinni á flokksþinginu að tala um, að lýsa mætti "the difference between a hockey mom and a pit bull" í einu orði: "lipstick!"

[Þorvarður Ragnar Hálfdanarson, 10.9.2008 kl. 03:29]

Það má svo sem taka undir að þessi ummæli Obama voru klaufaleg og hann hefði betur forðast þau. Ég held að það sé þó oftúlkun að segja að hann hafi kallað Palin svín með varalit. Áður en hann kemur að þessari setningu þá minnist hann lítið á Palin en þeim mun meira á McCain og þá staðreynd að stefnumál hans séu í litlu frábrugðin stefnumálum Bush. Svona "krummi verður ekki hvítur þó hann þvoi sér" komment...

Obama hefur víst notað þessa samlíkingu áður, þ.e.a.s. 2007, löngu áður en almenningur vissi af Palin.Ekki bara það, McCain sagði það sama um Hillary Clinton í fyrra.

McCain criticized Democratic contenders for offering what he called costly universal health-care proposals that require too much government regulation. While he said he had not studied Democratic candidate Hillary Clinton's plan, he said it was "eerily reminiscent" of the failed plan she offered as first lady in the 1990s.
 
"I think they put some lipstick on a pig, but it's still a pig," he said of her proposal.

[Jón Steinar Ragnarsson, 10.9.2008 kl. 03:38]

Hvernig í ósköpunum færðu það út Stefán að hann sé að kalla Palin svín með varalit þarna?? Hann minnist raunar ekkert á hana í þessu broti.  Myndlíking hans snýst um þá fullyrðingu MacCain að hann sé fyrir breytingum líka. Hann telur síðan upp alla þá flokka, sem hann ætlar ekki að breyta og segir það ekki vera merki um breytingu. Líkir síðan slíkri stefnu við varalitaðan grís.

Þetta er þvílikt quantum leap í túlkun hjá þér að ég held ég hafi aldrei séð annað eins, og þó  er ég vanur að þrátta við öfgatrúarfólk.

Sara Palin líkti sér hinsvegar við bolabít með varalit í valræðu sinni. Raunar lýsti hún svokölluðum hockey mæðrum þannig, en það eru stuðningsmæður íshokkíliða í alaska, sem hún telur sig til. Barnaleg kokhreysti og grobb náttúrlega eins og ræða hennar var öll. Líktist ræðu menntaskólapíu í framboði fyrir forseta nemendaráðs.

Horfðu nú á myndbandið aftur og láttu ekki svona dellu út úr þér.

[Jón Steinar Ragnarsson, 10.9.2008 kl. 03:55]

Restin af commentinu hans var svo svona:

“You can wrap an old fish in a piece of paper called change. It’s still gonna stink.”

“We’ve had enough of the same old thing.”

Það var hinsvegar mænað út í þessu myndbandi, til að þjóna móðursýkinni.

Svar Bidens, sem þú minnist á nefndi ekki á nafn son Palin. Hvergi í öllu því viðtali kom það upp. Hann var hinsvegar spurður um afstöðu democrata til mála barna með fæðingagalla. Orðrétt:"Well, guess what, folks? If you care about it, why don't you support stem cell research?"

Það er augljóst að Repúblíkanar og legátar þeirra hér ætla að reyna að draga málefnaumræðuna niður á þetta lákúrulega plan af því að þeir hafa ekkert annað að bjóða uppá. Þessar örvæntingafullu tilraunir og helberu lygar veða þeim ekki til framdráttar.

Hvernig væri að reyna að hljóma ekki eins og bergmál áf slúðursíðum repúbíkana, sem eru að reyna að ná sympatíu kjósenda eins og maður sem þykist vera með krabbamein til að fá drátt.

Pathetic.

[Davíð (IP-tala skráð) 10.9.2008 kl. 07:18]

Iceland Slaps Some Lipstick on Its Banking Pigs (Bloomberg). Má ég spyrja er það Björk Guðmundsdóttir söngkona sem þarna er verið að vísa til ? Ég sé hana alveg fyrir mér með varalit en ég er samt ekki viss um að það sé rétt hjá mér og því langar mig að varpa fram þessari spurningu. Um hvern eða hverja er verið að tala?

Ég hef lengi verið að pæla í þessu og einhver sem ég spurði talaði um að þetta væri það sama og "úlfur í sauðagæru" á okkar ástkæra móðurmáli og sagði að ég væri bara lélegur í ensku og það er alveg rétt að ég er lélegur í ensku.

www.bloomberg.com/apps/news?pid=10000039&refer=columnist_gilbert&sid=acgVb4lK3c8o

P.S. Í greininni er fjallað um Björk Guðmunds söngkonu en ég veit ekki hvernig hún getur verið "Banking Pig" ekki nema að hún standi á bakvið þetta allt.

[halkatla, 10.9.2008 kl. 07:18]

Ok, mér finnst þetta glæsilegt skot og frekar sætt, alltaf er gott að minnast á svín. Má ekki vera húmor í kosningabaráttunni?

[Kristleifur Brandsson (IP-tala skráð) 10.9.2008 kl. 07:30]

Mér finnst nú ansi langsótt að halda að hann hafi verið að tala um frú Palin í þessum stutta bút sem er hér á síðunni. Er hann ekki bara að tala um að Mcain komi ekki til með að breyta neinu í Washington. Ný andlit en engar breytingar! Ég held að svínið í þessari samlíkingu sé í raun bara Republíkanaflokkurinn og hans stjórnarhættir.

[Júlíus Valsson, 10.9.2008 kl. 09:49]

Mér finnst of langt gengið að segja að Obama hafi kallað frú Palin svín. Hann var bara að grínast og var með orðaleiki. Hún kallar reyndar sjálfan sig "hund" (pitbull) með varalit.

[Sigurlaug Anna Jóhannsdóttir, 10.9.2008 kl. 09:58]

Sæll Stefán, mér finnst þú nú taka þér full mikið skáldaleyfi á Obama þarna.  Hann er að tala um McCain, Bush og stefnumál og mér finnst fráleitt að halda því fram að hann sé að kalla Söruh Palin svín......     Þetta er mjög fyndið myndskeið og segir mér bara að Obama hafi húmor.

[Fannar frá Rifi, 10.9.2008 kl. 10:09]

Ef Palin verður þessi minnimáttar í augum bandaríkjamanna, venjuleg kona sem glímir við vandamál heima fyrir eins og allir aðrir, þá fær hún samúð allra. það stendur enginn með vondakallinum sem ræðst á þá veiku. ef Obama fær á sig þá ímynd að hann sé sá vondi, þá er Obama búinn að vera. 

og fyrir Íslenska stuðningsmenn Obama sem sjá hann sem næsta messía, þá skiptir álit ykkar né mitt neinu máli um það hver sé betri eða verri. þetta eru vinsældar kosningar í USA og ímynd frambjóðenda í augum kjósenda skiptir öllu.

afhverju haldiði að Bush hafi unnið tvisvar sinnum? því hann var besti frambjóðandinn?  nei hann var bara sá sem kom best útúr fjölmiðla umræðunni. og já fyrir þá sem nefna Florida. Demókratar ákváðu að kæra ekki og geta þannig kent sjálfum sér um tapið þar. 

[JBJ (IP-tala skráð) 10.9.2008 kl. 10:26]

Þú hefur sumsé ekki horft á klippuna? Hann er að segja að stefna McCain sé nauðalík stefnu Bush, hún sé sú sama í öllum grundvallaratriðum.

Stefna GWB sé svín, og stefna McCain sé svín með varalit.

Þarna var ekki orði minnst á Palin né McCain sjálfan heldur stefnumál hans.

Að sjálfsögðu er þetta vita vonlaust hjá mér að benda þér á þetta, en þessi athugasemd er þá meira fyrir þá sem slysast inn á bullið í þér.

[H.T. Bjarnason (IP-tala skráð) 10.9.2008 kl. 10:35]

Eigum við ekki að reyna að sýna smá sanngirni hér?  Hann kallaði aldrei Söru svín.  Þetta veit ég og þetta veist þú og þetta vita sennilega allir sem kunna skil á ensku. Í þessari ræðu fjallaði hann um tal McCain að breytinga væri þörf, þá greip hann til þessa orðatiltækis.  Vitaskuld harmónerar þetta við ummæli Söru um daginn þar sem hún fjallaði um muninn milli íshokkímóður og "pitbull" hunds.

[Stefán Friðrik Stefánsson, 10.9.2008 kl. 10:51]

Þakka kommentin.

Hef vissulega heyrt þetta orðatiltæki áður. Í þessu samhengi var þetta mjög klaufalegt hjá Obama. Það verður að segjast alveg eins og er. Mér finnst þetta ekki honum til framdráttar, svo skömmu eftir fræga notkun Söru Palin á orðatiltæki um varalit almennt og það er mjög erfitt að líta framhjá því að hann er að tala um hana. Hann hefði í það minnsta getað orðað þetta betur.

Annars sé ég að sumir eru mjög persónulegir í skítkasti hér. Nenni ekki að svara því, enda algjörlega tilgangslaust. Bendi hinsvegar á að það er langbest að vera kurteis. Almennt skítkast er algjörlega óþarft.

[Jón Valur Jensson, 10.9.2008 kl. 11:24]

Júlíusi finnst of langt gengið að segja, að Obama hafi kallað frú Palin svín, en mér finnst of langt gengið af Kristleifi að kalla Repúblikanaflokkinn svín.

[H.T. Bjarnason (IP-tala skráð) 10.9.2008 kl. 13:43]

Af því ég hef gaman að staðhæfa sumar fullyrðingar og er forvitinn ... hvar nákvæmlega voru þessi óviðeigandi ummæli Bidens um litla barnið hennar Söru?

[Ragnar (IP-tala skráð) 10.9.2008 kl. 16:27]

Mér finnst video dáldið skáldlega túlkað hjá þér.

Spurning hvort við höfum verið að horfa á sama video.

[Reynir Stefánsson (IP-tala skráð) 10.9.2008 kl. 21:20]

Ég held að ef menn vilja nú skoða þessi ummæli hlutlaust þá sé alveg óþarfi að vera að rífast um þetta.   Þetta eru einhverjir orðaleikir hjá þessum frambjóðendum og eins og bent hefur verið á þá virðist McCain hafa notað þessa líkingu sjálfur um pólitískan andstæðing sinn hér áður fyrr.  Mér sýnist líka sem drullumaskínur beggja flokkanna bandarísku vera að komast í gang.  Þetta hefur alltaf verið svona og mun verða í bandarískum stjórnmálum.  Ég bið menn að fara ekki á taugum yfir þessu.  Já og Stefán, hvernig má skilja fræga notkun Palin á orðatiltækinu sem hún notaði?.    

[Doddi - Þorsteinn G. Jónsson (IP-tala skráð) 10.9.2008 kl. 23:25]

Þetta er ekki persónuleg árás á Palin - og það er ekki skítkast gagnvart þér að biðja þig um að útlista af hverju þessi ummæli Obama séu svona alvarleg. Sýnist flestir hérna vera þokkalega kunnugir þessu máltæki og þá þýðir ekki fyrir þig að segja: En í þessu samhengi hafi þetta verið mjög klaufalegt... hvaða samhengi???? Hann var að tala um breytingarnar sem McCain segist standa fyrir!

Ef þú ferð í vörn og kallar réttmætar ábendingar um orðatiltækið "skítkast" þá er ekki hægt að rökræða við þig. En ef þú leggur aðeins aðdáun á Palin til hliðar og horfir hlutlaust á þetta ... getur verið að Obama hafi ekki einu sinni verið að hugsa um Palin þegar kommentið kemur?

Og ekki sé ég þig minnast einu orði á swiftboat auglýsingu Repúblikana ... það mætti halda að þér finnist Repúblikanar vera eitthvað sanngjarnari í sínu máli en demókratar...

[Þorvarður Ragnar Hálfdanarson, 10.9.2008 kl. 23:36]

Obama gerði þetta að umræðuefni sínu í dag og varð tíðrætt um málefnaleysi Repúblíkana þar sem þeir virðast vilja gera ummæli hans að meiriháttar pólitísku axarskafti.

<iframe height="339" width="425" src="http://www.msnbc.msn.com/id/22425001/vp/26640762#26640762" frameborder="0" scrolling="no"></iframe>

[Þorvarður Ragnar Hálfdanarson, 10.9.2008 kl. 23:43]

Eitthvað tekst mér illa að setja vídeó inn í kommentakerfið...

Reyni aftur...

[Þorvarður Ragnar Hálfdanarson, 10.9.2008 kl. 23:58]

Svo má líka fá sér T-shirt...

[Hølli Vals (IP-tala skráð) 11.9.2008 kl. 16:09]

Thad skiptir engu máli hvad thau segja eda meina, heldur hvad fólk heldur ad thau meini og hverju thad man eftir.