Hver var góði gæinn í Kompás í kvöld?

Dúndurbyrjun hjá Kompás í kvöld. Fyrsti þátturinn hafði verið kynntur svo vel að ekki var annað hægt en fylgjast með myndklippunni af Benjamín og Ragnari. Sjónvarpið stillti upp Árna M. Mathiesen, fjármálaráðherra, á sama tíma þar sem hann sló á umræðuna um sig og Landsvirkjun. Ég valdi Kompás fram yfir Árna, örugglega ekki einn um það.

Kompás er djarfur og öflugur fréttaskýringarþáttur. Gengur langt og hefur náð athygli út á það að vera ferskur og afgerandi, hefur komið upp um barnaníðinga og hneyksli af ýmsu tagi, kom t.d. upp um það sem gerðist í Byrginu árum saman án þess að ríkið fylgdist með því er það dældi peningum í starfsemina.

Myndefnið með földu myndavélinni var ansi öflugt - traust myndræn framsetning sem mun vekja umtal og deilur. Þátturinn fékk sína auglýsingu og gott betur en það, löngu áður en fyrsti þáttur vetrarins var sýndur og fær meira umtal á næstunni.

Eflaust átti þetta að vera svona góði gæinn vs. vondi gæinn uppsetning. Átti erfitt með að sjá hvort einhver góði gæi var í þessu. Á erfitt með að gera upp við mig hvort var ógeðfelldari og meiri durtur.

En Stöð 2 stendur sig vel með Kompás og á hrós skilið fyrir að vera með fréttaskýringarþátt, sem er eitthvað meira en Sjónvarpið getur státað sig af.

Athugasemdir

[Ragnheiður , 23.9.2008 kl. 07:45]

Já þessir gaurar voru báðir hálfóhugnanlegir og víst er að margt grasserar undir yfirborðinu þar sem við þessir venjulegu borgarar erum oftast ekki með nefið

[Guðmundur Ásgeirsson, 23.9.2008 kl. 10:45]

Já það er oft talað um "aumingja fólkið" sem verður fyrir barðinu á handrukkurum, en aldrei minnst orði á það hvað viðkomandi kunni að hafa gert sem varð þess valdandi að einhverjum fanst viðeigandi að ganga svo langt að grípa til slíkra örþrifaráða. Ég veit um menn sem hefur verið "stútað" og alls ekki að ástæðulausu! Ég veit líka um fólk sem er með sín mál á hreinu og er ekki með neina vitleysu og hefur fyrir vikið aldrei svo mikið sem hitt rukkara (ekki einusinni kurteisu gerðina!). Án þess að ég vilji mæla þessu bót, þá finnst mér einhvernveginn útilokað að menn sem lenda ítrekað í útistöðum við undirheimalýð á borð við handrukkara, séu sjálfir einhverjir sakleysingjar heldur hljóta þeir að hafa gert eitthvað á annars hlut og sá félagsskapur verið eitthvað vafasamur a.m.k.

[DoctorE (IP-tala skráð) 23.9.2008 kl. 11:36]

Báðir voru vondu gæjarnir í mínum huga... ég veit ekki en mér varð um og ó þegar löggan var bara kunningi hins og bjallaði bara í hann og klappaði honum svo á öxl.. weird stöfff