Forsetinn býður mótmælendum upp á kaffi

Ég held að það hafi verið sniðugt hjá Ólafi Ragnari Grímssyni að bjóða þeim tíu sem fóru á Bessastaði til að mótmæla upp á kaffi og spjall. Veit ekki hvað mótmælendurnir græddu samt á kaffispjallinu við forsetann nema þá að hann sé kominn í jólaskap. Ég verð að viðurkenna að ég átti samt von á fjölmennari mótmælum miðað við málefnið, en sennilega eru allir uppteknir upp fyrir haus í jólaverslun.

Í dag var samþykkt að veita forsetaembættinu fjárveitingu í lokalið fjárlagaumræðunnar til að setja upp öryggisbúnað og öryggishlið á Bessastöðum. Væntanlega þýðir þetta að öryggi forseta Íslands verði hert og erfiðara en áður að komast að forsetabústaðnum. Er svosem ekki hissa á því, enda fá dæmi um það að þjóðhöfðingi sé algjörlega óvarinn á heimili sínu.

Ólafur og Dorrit buðu mótmælendum upp á kaffi

Athugasemdir

[Bara Steini, 22.12.2008 kl. 18:21]

Já....... Kaffi bjargar öllu er það ekki......

[Rúnar (IP-tala skráð) 22.12.2008 kl. 19:01]

"enda fá dæmi um það að þjóðhöfðingi sé algjörlega óvarinn á heimili sínu."

Mér finnst bara frábært að það sé hægt að hafa þetta þannig.

[Flosi Kristjánsson, 22.12.2008 kl. 20:04]

Heyrði af sniðugri útfærslu á öryggismálum í Bandaríkjunum. Skilti stóð úti á bletti við íbúðarhús, þar á var mynd að illúðlegum hundi og fyrir neðan þessi áletrun: Invisible fence! Gæti lækkað kostnað, eða hvað?