Bjarni verður að taka á FL-málinu

Ég finn mikla reiði meðal sjálfstæðismanna um allt land vegna 30 milljóna styrks FL Group til Sjálfstæðisflokksins. Bjarni Benediktsson, formaður Sjálfstæðisflokksins, verður að taka á þessu máli strax í dag. Ekki má bíða með að klára málið, bæði með því að upplýsa það og auk þess að láta þann sem gekk á eftir þessum styrk axla ábyrgð. Algjörlega ótækt er að humma það fram af sér og verður að koma fram mat forystu Sjálfstæðisflokksins á því sem fyrst.

Sé það rétt, sem flest virðist benda til, að Andri Óttarsson hafi haft milligöngu um þennan styrk verður honum ekki sætt lengur sem framkvæmdastjóra Sjálfstæðisflokksins að mínu mati. Ef forystan getur ekki tekið á því og afhjúpað hver gekk bónleiðar til FL Group er hún í miklum vanda.

Kjartan Gunnarsson hefur nú þegar sagt það, sem allir máttu svosem vita, að hann bar enga ábyrgð á þessu máli, enda öll völd í Valhöll komin annað á þeim tímapunkti sem styrkurinn kom. Því beinast öll bönd að framkvæmdastjóranum Andra.

Heiðarlegast væri að menn viðurkenndu ábyrgð á þessari óheillavænlegu og siðlausu styrkveitingu.

Miðstjórn Sjálfstæðisflokks sat á fundi

Athugasemdir

[Ólafur Sveinsson (IP-tala skráð) 8.4.2009 kl. 17:47]

Þú er alvöru sjálfstæðismaður og virði það.

[Hilmar Dúi Björgvinsson, 8.4.2009 kl. 18:21]

Stebbi ég skal hjálpa þér að skrá þig úr FL-okknum? hef góða reynslu á því sviði.

[Haraldur Bjarnason, 8.4.2009 kl. 20:03]

Ekki bara frá Hannesi Smárasyni og Jóni Ásgeiri hjá FL Stefán. 25 millur líka frá Björgólfunum.