Virðingarleysi fyrir lögreglu

Enn og aftur berast fregnir af því að mótmælendur, aðgerðarsinnar, eða hvað þeir vilja kalla sig láti skap sitt bitna á lögreglunni. Í nýlegri tölfræði kom fram að árásir á lögreglumenn hefðu sjaldan eða aldrei verið fleiri en síðasta árið. Virðingarleysið fyrir lögreglunni virðist stundum algjört. Aðförin að henni í mótmælunum í janúar var lágkúruleg og engum til sóma, enda var augljóst að samhugur með lögreglunni jókst í kjölfarið.

Þeir sem þar starfa eru aðeins að sinna sinni vinnu og hafa ekkert af sér gert til að verðskulda slíka lágkúru. Ég vona að flestir sjái að lögreglan vinnur fyrir okkur öll og á að njóta virðingar landsmanna.

Sparkað í höfuð lögreglumanns

Athugasemdir

[persóna (IP-tala skráð) 7.8.2009 kl. 20:04]

Vona líka að sem flestir sjái það,bara sorglegt hversu sjaldan maður upplifir það.

[Eggert J. Eiríksson, 8.8.2009 kl. 11:09]

Flott skrif..

Algerlega sammála þér.

Kv EJE

[Halldór Jónsson, 10.8.2009 kl. 01:02]

Af hverju eru ekki teljandi viðurlög við því að berja lögregluþjóna? Af hverju fá glæpamenn að sitja með svartaseptember-húfur í réttarsal ? Af hverju eru glæpamenn ekki geymdir í fangelsum ?

Þýðir nokkuð að spyrja svona ? Er þetta ekki vonlaust hvort eð er ?