Vandræðalegt fyrir Sigmund Erni og Samfylkinguna

Ég er ekki undrandi á því að þingflokksformaður Samfylkingarinnar hafi rætt stórundarlega framkomu Sigmundar Ernis Rúnarssonar, alþingismanns, á þingfundi í síðustu viku, við þingmanninn enda er málið vandræðalegt ekki síður fyrir flokkinn en Sigmund persónulega.

Eins og ég hef bent á er eðlilegt að velta fyrir sér hvort þingmaðurinn hafi verið ölvaður eða ekki starfi sínu vaxinn eftir framkomuna. Allir sem horfa á klippuna hér fyrir ofan hljóta að velta fyrir sér hvað sé að þingmanninum... hvað sé eiginlega málið með hann.

Þetta er óásættanleg framkoma, tel ég, á Alþingi, sérstaklega í mikilvægu máli á borð við Icesave. Hafi þingmaðurinn ekki verið ölvaður er eðlilegt að velta fyrir sér hvað hann sé að fara með framkomu sinni. Forsætisnefndin á auðvitað að ræða þetta.

Athugasemdir

[Jóhannes Laxdal Baldvinsson, 25.8.2009 kl. 22:25]

Ef hann var ekki ölvaður var hann þá undir áhrifum róandi lyfja?

Hið undarlegasta mál .....

[Þór Ludwig Stiefel TORA, 26.8.2009 kl. 01:46]

Dapurlegt, og sýnir vel hversu fáránleg málfundarsamkunda Alþingi raunverulega er. Hreinn farsi og gagnfræðaskóli.

[Sigurjón Pálsson (IP-tala skráð) 26.8.2009 kl. 14:49]

Nú þegar yfirlýsing frá SER er komin um að hann hafi þrátt fyrir allt drukkið borðvín með matnum  (reyndar er líklegra, af ástandi hans að dæma, að það hafi verið öfugt)  umrætt kvöld, þá rís sú spurning óhjákvæmileg hvernig hann kom sér niður á þing!  Ók hann etv. sjálfur?