Hvernig er hægt að gleyma fjórum milljörðum?

Ég man í svipinn varla eftir vandræðalegri mistökum en þeim að Lögmannsstofan hafi gleymt að lýsa fjögurra milljarða kröfu í Straum fyrir lífeyrissjóðinn Stapa hér á Akureyri. Þvílíkt endemis klúður - er hægt að hafa þetta vandræðalegra? Hvernig er það annars... hver á að taka ábyrgðina á þessum mistökum muni aðrir kröfuhafar ekki taka þessa kröfu gilda?

Ætlar Lögmannsstofan að taka það á sig eða yfirstjórn Stapa sem fylgdi málinu ekki eftir? Þetta er klúður af stærra taginu... sem ekki gleymist í bráð. Hvernig er hægt að gleyma fjórum milljörðum sisvona?

Athugasemdir

[Haraldur Aðalbjörn Haraldsson (IP-tala skráð) 25.8.2009 kl. 16:11]

Já þetta er verulega vandræðalegt fyrir lögfræðistofuna og lífeyrissjóðinn líka. En er hugsanlegt að KK hafi verið í sumarfríi og ekki fylgt málinu eftir af þeim sökum??

[Bjarni Kjartansson, 25.8.2009 kl. 22:00]

Æi.  Nú er búið að klúðra svona byrjun á Vaðlaheiða göngum.

Eða lengingu flugbrautar og bættum tækjakosti í turni.

Að vísu gerir það lítið til, því  útlendir flugmenn verða hér eftir sem hingað til jafn óöruggir í ókyrrð í fjallahæð og munu að líkum jafnoft snúa til Egilsstaða til lendingar.

Annars er ekki allt í góðum gangi hjáykkur fyrir norðan?

Mibbó

[Dante, 25.8.2009 kl. 22:06]

Mega-klúður svo ekki sé dýpra í árina tekið. 

Ég myndi ekki gleyma að rukka 4 milljarða fyrir einhvern nema ef ég skuldaði þessa 4 milljarða og ætti að fara rukka sjálfan mig. Þá gæti vel farið svo að ákveðið gullfiska minni gerði vart við sig .

[Jakob Þór Haraldsson, 25.8.2009 kl. 22:10]

Exista á að greiða 75 milljarða fyrir Símann árið 2014 þegar kúlulán felur á þá, þeir GLEYMA örugglega að borga það....!  Kannski fyrrum lögmaður Exista hafi fengið vinnu þarna á þessari meiriháttar lögmannsstofu.  Ísland er mega fyndið land, "óborganlegt land" í víðasta skilningi þess orðs....lol...!

kv. Heilbrigð skynsemi