Meiriháttar klúður á Moggablogginu

Ég verð að viðurkenna að ég varð nokkuð hissa þegar að ég ætlaði að fara hingað inn á öðrum tímanum en komst ekki inn. Skýringin beið mín í tölvupóstinum - það væri búið að skipta um lykilorð því það fyrra hafði verið opinberað á bloggsíðunni vegna mistaka þjónustuaðila síðunnar. Ergó: leynilegasta tenging milli mín og síðunnar var opinberuð! Þetta er meiriháttar klúður - einfalt mál. Sannkallaður stórskandall þeirra sem halda úti Moggablogginu. Það er ekkert annað hægt að segja um málið.

Hef verið lítið við tölvu í dag og því lítið getað skrifað og kynnt mér málið. En ég las þessa frétt og blogg nokkurra annarra hér sem skrifa og eru auðvitað ekki sáttir. Það er ég líka. Finnst þetta mjög slæmt mál og skil ekki í þessu sleifarlagi satt best að segja. Það þýðir ekki að segja bara að svona komi ekki fyrir aftur. Þetta er mjög alvarlegt mál svo vægt sé að orði komist. Það að einhver sem lesi hér geti séð lykilorðið og breytt stillingum er alvarlegt mál.

Þetta er ekki til vegsauka fyrir Moggabloggið og á svona vandræðalegu klúðri þarf að taka!

Lykilorð sýnileg á blog.is fyrir mistök

Athugasemdir

[Árni Matthíasson , 21.2.2007 kl. 17:03]

Sæll vertu Stefán.

Bendi þér á að lesa kerfisbloggið þar sem nánari skýringar eru á þessu sleifarlagi.

[Stefán Friðrik Stefánsson, 21.2.2007 kl. 19:41]

Sæll Árni

Þakka þér fyrir þessa ábendingu.

mbk.

[Ómar Kjartan Yasin, 21.2.2007 kl. 23:12]

Smá skot, þú segir á einum stað; "Það þýðir ekki að segja bara að svona komi ekki fyrir aftur." Og seinnaí sömu færslu skrifarðu "[...] og á svona vandræðalegu klúðri þarf að taka!".

Núna á ég í miklum vandræðum með að skilja hvað það er nákvæmlega sem á að gera, svona lagað mun vonandi ekki koma fyrir aftur þar enda hinir bráðgáfuðu forritarar hjá mbl.is (og ég þekki nokkra þeirra) munu líklega sjá til þess. Þar með hljóta þeir að vera búnir að "taka á" vandamálinu með því að sjá til þess að þetta gerist ekki aftur? Eru þá ekki allir bara sáttir?

[Stefán Friðrik Stefánsson, 23.2.2007 kl. 12:07]

Það þarf að stoppa upp í öll göt. Það sást vel á þessu klúðri að svo hafði ekki verið gert en vonandi læra menn sína lexíu á þessu máli. Ekki veitir af, enda er þetta stórt klúður.

[Ómar Kjartan Yasin, 23.2.2007 kl. 20:34]

Eins og allir sem unnið hafa við hugbúnaðarþróun og smíði vita þá er barasta ekki hægt að stoppa í öll göt, en ég er viss um að forritararnir vinni vel að því að stoppa í þau göt sem þeir finna, þegar þeir finna þau.