Ferðaþjónustan ósátt við flokkun ferðamanna

Samtök ferðaþjónustunnar sendi í morgun frá sér yfirlýsingu í kjölfar þess að aðstandendum Snow Gathering-klámþingsins, sem átti að halda hér í marsbyrjun, var vísað frá Hótel Sögu og hætt var við þinghaldið. SAF sendir Hótel Sögu þar greinilega tóninn og bendir á að ekki sé hægt að flokka ferðamenn sem koma hingað til landsins og það sé óæskilegt. Með þessu sé vont fordæmi gefið. Orðrétt segir:

"Þrátt fyrir óbeit sem fólk kann að hafa á klámiðnaði og annarri starfsemi sem fólk stundar löglega í heimalandi sínu en er bönnuð á Íslandi, er vandséð hvernig ferðaþjónustufyrirtæki geti meinað því fólki að koma í skemmtiferð til Íslands. Það koma rúmlega 400 þúsund ferðamenn árlega til Íslands, þeir eru ekki yfirheyrðir um störf sín heima við enda ógerlegt. Samkvæmt dagskrá þessarar umræddu samkomu ætlaði fólkið að vera í skipulögðum skoðanaferðum allan tímann.

Ljóst er að ómögulegt er fyrir fyrirtækin að flokka gesti sína í æskilega og óæskilega gesti hafi engin lögbrot verið framin. Frávísun hópa, sem engin lög hafa brotið, er alvarlegt mál sem getur leitt til skaðabóta enda um mikil viðskipti að ræða fyrir mörg fyrirtæki hér á landi."

Það verður fróðlegt að sjá hvað gerist næst í þessu máli. Tekist hefur verið á um það á netinu af miklum krafti, man varla annað eins - þar sem tekist er á með og á móti. Sitt sýnist hverjum. Hef séð það vel hér á blogginu, en mörg góð komment hafa þar komið.

Ómögulegt að flokka ferðamenn

Athugasemdir

[Júlíus Sigurþórsson, 23.2.2007 kl. 12:37]

Mér þætti fróðlegt að sjá Hæstarétt fjalla um þetta mál, þá bæði ákvörðu hótelsins og yfirlýsingar stjórnmálamanna.

Skora á málsaðila að fara með málið fyrir dóm.

[Steini Briem (IP-tala skráð) 23.2.2007 kl. 14:52]

VERTU EKKI SÁR...

[Róbert Trausti Árnason (IP-tala skráð) 23.2.2007 kl. 15:49]

Eru bannsinnar ekki bara "lesblindir" á umhverfi sitt?  

Kv. Róbert Trausti

[Sigurður J. (IP-tala skráð) 24.2.2007 kl. 03:52]

Ég spái því að þetta vesalings fólk sem brotið er svo gróflega á sæki málsaðila fyrir dómi í Evrópu, þar sem ekki verður mildlega tekið á málum.  Hér er um grundvallar mannréttindi að ræða.   Þetta mál er Íslendingum til mikils vansa og verður maður að vona að þeir aðílar sem ábyrgir eru fái makleg málagjöld, til að minnka líkur á að svona lagað gerist aftur.

Annars er önnur hlið á málinu líka.  Hún er sú að net-kynlífsiðnaðurinn hefur fengið með þessu gríðarlega athygli, sem líklega eykur viðskipti héðan.  Þeir koma kannski til með að útnefna Sóleyju Tómasdóttir sem markaðsmann ársins - Klámdrottning ársins!