Klám í boði Smáralindar?

Mál málanna virðist vera forsíða einhvers auglýsingapésa frá Smáralind sem m.a. einn moggablogari hefur sagt að sé gróf og allt að því klámfengin, fari yfir mörkin. Fannst þetta vægast sagt athyglisvert og fannst mikilvægt að sjá blaðið áður en ég skrifaði um þetta. Fannst þetta bæði svo sterk orð hjá moggabloggaranum að ekki væri hægt annað en mynda sér skoðun á þessu máli.

Sá loksins forsíðuna áðan. Varð eiginlega allnokkuð hissa við þá sýn, enda sá ég ekki "klámið" á forsíðunni. Kannski undarleg stelling og allt það, en ummælin eru varla eðlileg miðað við þetta. Frekar hörð orð. Skil þau eiginlega ekki. Er þessi mynd svo afleit að hún réttlæti þetta harða og grófa orðaval? Finnst það ekki. Það er orðið langt gengið ef flokka á þessa forsíðu sem klám.

Klám má flokka ansi vítt held ég ef það á að flokka þessa forsíðumynd undir það. Eru þetta ekki bara einhverjir öfgar? Hallast að því.

Athugasemdir

[Steini Briem (IP-tala skráð) 8.3.2007 kl. 03:05]

Ja, þetta verða sérfræðingarnir, lögfræðingarnir, að meta, Stebbi minn. Þeir hafa brjóstvitið.

[Skúli Þór (IP-tala skráð) 8.3.2007 kl. 09:44]

Ég rak líka í rogastans í gær þegar að ég las þetta blogg í gær og þegar að ég kom heim þá kíkti ég á þetta blað, ég verð að segja að tel að sá sem að sér klám ( annað en hræðilega illa uppsetta myndatöku ) er með sjúklegra hugarástand en flestir.

Skúli Þór

[Ólafur Örn Nielsen, 8.3.2007 kl. 10:56]

Ég held að Denni tækli þetta nokkuð vel og bendir á hversu langt er hægt að ganga í túlkun á einni mynd.

http://blogg.visir.is/denni/2007/03/08/klamauglysing-i-dagblo%c3%b0unum-i-dag/

[Bjarni Kjartansson, 8.3.2007 kl. 10:59]

Svo er þetta blessaða fólk á launum hjá Háskólanum.

Ef þetta sýnishorn, sem hún gefur inn í sitt hugstot er samnefnari fyrir það sem þar er inni, er mér mjög til efs, að framsetning fræðanna nái allstaðar máli (ISO stöðlum) hjá Háskóla Íslands.

Eins gott að viðkomandi er ekki lektor eða  prófessor í kynjafræðum, sem kvað vera ný ,,fræðigrein" við okkar ástkæra Háskóla.

Annars er allt gott og Sólin blessuð farin að yppa dagsbrún snemma, jafnvel um það leit sem maður drattast í vinnuna.

Kærar kveðjur

Miðbæjaríhaldið

[B Ewing, 8.3.2007 kl. 11:17]

Ég bíð enn eftir þessum bæklingi.  Vill einhver birtra forsíðuna hjá sér?

[Fanney Dóra Sigurjónsdóttir, 8.3.2007 kl. 11:32]

Hugsiði ykkur hvernig stúlkunni líður, að fá á sig þessar athugasemdir og umræðu á neinu...

[Stefán Friðrik Stefánsson, 8.3.2007 kl. 13:23]

Takk kærlega fyrir kommentin. Gott að við erum öll sammála um þetta.

mbk.