Er aftur komið í tísku að sauma?

Einu sinni var engin kona myndarleg húsmóðir á sínu heimili nema að sauma og sýna myndarbrag í saumamennsku. Með árunum hafa tímarnir breyst. Nú virðist vera aftur komið í tísku að sauma, tja allavega ef marka má biðröðina sem myndaðist í Kringlunni í dag er breska fyrirtækið Jerry Fried hóf að selja Necchi saumavélar.

Fannst þessi frétt mjög athyglisverð, enda taldi ég enga sérstaka bylgju vera í þá átt að konur saumuðu. Ég man að ömmur mínar báðar voru miklar saumakonur, áttu saumavélar og sinntu þeim verkum með miklum dugnaðarhætti. Móðir mín verður seint þekkt fyrir saumaskap eða að eyða tíma sínum í saumavélabras. Veit svosem ekki hvernig nútímakonur í dag gera hlutina, en mér finnst margar þeirra ekki líklegar til að standa í biðröð eftir slíkum vélum.

Það er svosem ánægjulegt ef einhver saumamennskubylgja kemur aftur. Það segir þessi eftirspurn eftir saumavélum okkur klárlega.

Saumavélar streyma út í Kringlunni

Athugasemdir

[Heimir Hermannsson, 21.6.2007 kl. 17:27]

var að labba í Kringlunni, sá að það er notaður sleði fyrir kortin hjá fólki, ekki öruggasta aðferðin til að kaupa vöru, fólk ætti að fara í hraðbanka frekar og endilega prófa tækin sem fyrst..... nei ég sel ekki saumvélar né straujárn.

[Björg K. Sigurðardóttir, 21.6.2007 kl. 17:31]

Fyrirgefðu Stefán Friðrik en þú virðist ekki mikið gefinn fyrir þann möguleika að karlmenn saumi líka

[Birna Dís , 21.6.2007 kl. 18:55]

Aðal vandamálið við saumamennsku í dag er það að oft á tíðum er það ekkert sérstaklega hagkvæmt. Efni eru orðin svo dýr að það er yfirleitt bara ódýrara að kaupa flíkina tilbúna úti í búð. 

[Ísdrottningin, 21.6.2007 kl. 20:13]

Saumaskapur er ágætis útrás fyrirsköpunarþörf.