Samráð Krónunnar og Bónus afhjúpað

Það er ekki hægt að segja annað en að það sé sláandi að heyra af því að Krónan og Bónus hafi samráð um verð sín og vöruverð sé lækkað sérstaklega meðan að verðkannanir fari fram og jafnvel séu ódýrari vörur faldar fyrir neytendum. Fólk sem vann í verslunum beggja aðila hafa staðfest þessar sögur í dag í samtölum við fréttastofu RÚV sem fyrst fjallaði um málið.

Þetta eru sérlega óheiðarleg vinnubrögð sem þarna blasa við. Það virðist ekki neinu að treysta í þessum málum og virðist samkeppnin ekki vera haldbær miðað við upplýsingarnar þarna. Sé samráð um verðin getur samráð milli aðila náð enn lengra. Það er eðlilegt að þessir þættir verði kannaðir frekar og hlýtur að vera að farið verði ofan í saumana á því hversu víðtækt þetta samráð lágvöruverðsverslananna sé í raun og veru.

Það virðist lítið sem ekkert að marka verðkannanir eftir þetta. Virðist vera hreinn farsi í gangi með verðin og því í raun ekkert haldbært eftir í þeim efnum. Það er alveg ljóst að þessar sögusagnir eru alvarlegri en svo að framhjá verði litið. Svo virðist vera að fákeppnin á matvörumarkaði hér heima sé enn meiri en áður var talið. Það er alvarlegt mál fyrir neytendur.

Nánari frásögn af verklaginu í samráðinu er að finna hér.

Bónus og Krónan vísa ásökunum á bug

Athugasemdir

[Depill, 31.10.2007 kl. 22:14]

Sko ekki að ég er að segja allt sé heiðarlegt þarna, en þá kemur fram að sama verð var í Bónus í bæði skiptin. Og það er sagt milli 5 - 10 starfsmenn ( bara 100% munur ... ) og 5 - 10 starfsmenn í verslunum þar sem er sögð yfir 100% starfsmannavelta á ári, finnst mér bara alls ekki margir starfsmenn.

Meina hversu margir vinna eiginlega í Bónus ?

[Heimir Lárusson Fjeldsted, 31.10.2007 kl. 22:23]

Hingað til hefur fólk ekki trúað okkur sem haldið hafa uppi gagnrýni.

[Haraldur Haraldsson, 31.10.2007 kl. 23:03]

Eg hefi ekki trú þessum fretum,fyrr en þetta reynist sannað/það er mörgum i nöp við Bónus og Krónuna/nema okkur sem verslum Þarna alltaf, eg fylgist mjög vel með verði á þessum stöðum báðum,og hefi ekki fengið nema góða reynslu af þeim/Halli gamli

[Krissilía (IP-tala skráð) 31.10.2007 kl. 23:56]

Virk samkeppni hefur aldrei verið til á Íslandi í lengri tíma en það tekur að pota einhverjum útaf markaðinum eða þeir sem í samkeppninni standa átta sig á hvaða kostnaður fylgir því að halda úti góðri þjónustu + eiga allt til sem fólk "þarf" + lifa af sjálfir (helst á jeppa ;).

Það má ekki gleyma því að á Íslandi býr bara 350.000? manns að meðtöldum útlendingunum (sem koma hingað til þess að vinna dag og nótt til þess að afla sem mestra tekna (þar af verða tæp 40% síðan eftir hér sem borgar fyrir heilbrigðiskerfið, skólaþjónustuna, vegakerfið...). ((smá útúrdúr))

Það er ástæða fyrir því að erlendir bankar nenna ekki að koma hingað og þeir einstaklingar sem tekst að búa til meiri pening en þeir þurfa að nota daglega fara frekar með hann annað.

Við verðum aldrei fær um að ná lægsta mögulega verði á Evrópumarkaði. Íslenska krónan kostar alveg heilan helling eins og sendiráðin, forsetinn, nefndirnar og þátttaka í Öryggisráðinu. Og við erum bara 300.000 sem viljum eiga heima hérna, það er eins og frekar lítil borg í Þýskalandi, USA eða Frakklandi.

Ég lít ekki á það sem persónulega móðgun eða svik við mig ef verslanir spila með verð. Það er ekki til eitt rétt verð á vöru! Verðið sem þú ert tilbúinn til að greiða er verðið. Þrasið yfir hvort einhver er að okra er orðið þreytandi. Ég versla þar sem mér líður vel, nenni ekki að fara annað eða hef ekki tíma til að leita - og þá er það mín sök, enginn plataði mig. Ég er viss um að margir ríkisstarfsmenn eru ekki launa sinna virði, en aðrir eru það margfalt. Flugsæti kosta misjafnt mikið og ég veit það. Ég hef meiri áhyggjur af tannréttingakostnaði í dag, ég hef engan möguleika á að kynna mér verðin!

Ég er sennilega komin langt út fyrir efni bloggsins...