Vægir dómar í kynferðisafbrotamálum

Það verður að segjast alveg eins og er að dómur Héraðsdóms Reykjavíkur í kynferðisafbrotamálinu í dag er alltof vægur, með eðli afbrotanna sem um er að ræða í huga. Það er því miður orðin alkunn staðreynd að dómar fyrir kynferðisafbrotamál hér heima eru til skammar, bæði eru þeir alltof vægir og með þeim er ekki staðfest hversu alvarlegur glæpur felst í verknaðinum.

Kynferðisafbrot eru að mínu mati stóralvarlegur glæpur. Sálrænt áfall þeirra sem fyrir því verður gróa aldrei að fullu, sérstaklega þegar í hlut eiga börn. Í því máli sem dæmt var í og vísað er til í fréttinni á Moggavefnum eru stelpurnar sem urðu fyrir kynferðisofbeldinu 4-13 ára. Í því ljósi þykir mér þessi dómur eiginlega til skammar. Það er fyrir löngu kominn tími til að dómar fylgi eðli verknaðarins. Það gerir það ekki í þessu máli.

Það hefur verið rætt vel og lengi um dóma í þessum málum. Það er greinilegt á þessum dómi að þeirri umræðu er ekki enn lokið.

Dæmdur í 2½ árs fangelsi fyrir kynferðisbrot gegn 6 stúlkum

Athugasemdir

[Svavar Friðriksson (IP-tala skráð) 15.11.2007 kl. 16:49]

Algjörlega sammála þér. Það verður að endurskoða löggjöfina í þessum málum. Svo má ekki gleyma því að kerfið bregst þessum einstaklingum einnig því þeir þurfa vissulega á meðferðarúrræðum á að halda. Sál og geðhjálp til að mynda.

[Jónína Dúadóttir, 15.11.2007 kl. 17:10]

Þetta er hneisa......

[Paul Nikolov, 15.11.2007 kl. 17:28]

Lögin leyfir allt á 18 ára fangelsi fyrir alvöruleg kynferðisbrot. Vandamál er sú að sumir domarar þorir ekki að gefa þyngri dóm en það sem var gefið í fyrra. Þannig að fornalömb þora ekki að kæra málið. Þannig að það er enginn breytting. Það er sorglegt og ósættanlegt.

[Stefán Friðrik Stefánsson, 15.11.2007 kl. 18:14]

Þakka kommentin.

Svavar: Já, þetta er alveg til skammar. Það verður að endurskoða löggjöfina. Það er að verða komið nóg af svona skelfilega stuttum dómum fyrir sannarlega alvarlega glæpi sem kynferðisafbrot. Það er víða úrbóta þörf.

Jónína: Algjörlega.

Paul: Til hamingju með þingmennskuna. Gangi þér vel! En já, það verður að sannarlega að taka á þessum málum. Tek undir með þér.

mbk.

[Púkinn, 15.11.2007 kl. 19:13]

Púkinn myndi nú helst vilja sjá svona menn gelta, eða lokaða inn til lífstíðar, en það er víst ekki við hæfi...nú og svo eru fangelsin yfirfull. 

Það sama á við hér og varðandi refsingar fyrir akstur undir áhrifum áfengis og fíkniefna - Þjóðin vill þyngri refsingar, dómstólar segjast einungis fara eftir lögum og verði þar að auki að miða við dómahefð...þeir sem geta breytt lögunum eru þingmennirnir, en þar virðast fáir finnast sem þora að taka af skarið.  Svo er of langt til kosninga.  Ekki séns að alþingismennirnir hlusti á kjósendur núna.