Á nektin að selja tónlistina hjá Mercedes Club?

Frá því að ég heyrði í fyrsta skipti í hljómsveitinni Mercedes Club hef ég verið viss um að stóri tilgangur hennar sé að ná athygli og jafnvel í og með að stuða landann nógu mikið.

Lagið Ho Ho Ho We Say Hey Hey Hey var grípandi en mjög umdeilt og greinilega átti að yfirkeyra umræðuna með allskonar krassandi lýsingum og ná stuðningsbylgju til að taka dæmið alla leið til Serbíu.

Það mistókst og nú á greinilega að taka ballmarkaðinn með trompi og auglýsa sig rækilega í botn. Þar á nektin greinilega að vera hluti af prógramminu, enda sýnist mér boðað að nektin verði hluti af nýja laginu.

Það verður seint sagt að Mercedes Club séu taktfastir snillingar sem muni græða mikið á tónlistinni einni og sér og því má eiga von á að reynt verði öll markaðsbrögðin í bókinni til að selja pakkann.

Vilja vera nakin í myndbandinu

Athugasemdir

[Tiger, 20.3.2008 kl. 17:57]

Ég verð að segja að aldrei hef ég heyrt af því að það hafi þótt eitthvað sexy að sjá górilluapa hoppa um og berja á bringu sér, en það er einmitt það sem ég sé þegar ég lít á þessa blessuðu álfa í þessu bandi. Taktlausir með eindæmum þar sem þeir geta varla hreyft sig á gólfinu en sæmilegir í því að láta vöðvana kippast til í takt við tónlistina. Reyndar sá eini þeirra sem hefur einhvern takt er aðalsöngvarinn (ekki daman heldur sjá sem hoppar og skoppar um allt)... Það held ég að margir eigi eftir að snúa sér undan með hrolli ef þessir steramassar fara að auki að fækka fötum á sviðinu.. fojjj.