Guðjón rekinn - tvíburarnir reyna aftur

Eins og staða mála var orðin á Skaganum kemur engum að óvörum að Guðjóni Þórðarsyni hafi verið sagt upp störfum sem þjálfara. Eftir tólf umferðir hefur Skaginn enda aðeins sjö stig og er í botnsæti með HK og hefur gert vikum saman - liðið hefur unnið aðeins einn leik í sumar, gert fjögur jafntefli og lotið í gras sjö sinnum. Þetta eru nöpur endalok fyrir Guðjón, eftir hans farsæla þjálfaraferil en þetta sumar hefur verið ein sorgarsaga frá upphafi og því stefnt í þetta um nokkuð skeið.

Þetta er auðvitað vond staða fyrir lið og stuðningsmenn með sjálfstraust, sem eru vanir öllu öðru en botnstöðu vikum og mánuðum saman yfir sumarið. Skaginn átti sömu baráttuna fyrir nokkrum árum og sóttu þá tvíburabræðurna Arnar og Bjarka, sem björguðu liðinu frá falli. Þrátt fyrir það fengu þeir ekki samning áfram heldur var leitað til Guðjóns. Með þann mannskap sem Skaginn hefur yfir að ráða var gert ráð fyrir toppbaráttu og alvöru krafti, liðið væri meistaraefni. Annað hefur komið á daginn.

Ósigurinn í Kópavogi var eins og ég sagði hér áður endalokin fyrir Guðjón Þórðarson. Eftir það var þetta búið og ákvörðun Skagamanna skiljanleg. Þeir þurfa að stokka sig upp og feta aðrar slóðir, undir stjórn nýrra þjálfara. Fróðlegt verður að sjá hvort tvíburunum tekst hið sama og fyrir nokkrum árum. Þá voru öll sund lokuð en deildarsætið var þrátt fyrir það varið.

Guðjón hættur með ÍA

Athugasemdir

[Sæþór Helgi Jensson, 21.7.2008 kl. 11:33]

ía mun falla og þá mun hlakka í mér því þetta er röng áhvörðunn. því guðjón var kominn langt að reyna að fá erlenda leikmenn núna í glugganum. það hefði verið betra að fá mannskap heldur að láta hann fara.

[Kjartan Halldórsson (IP-tala skráð) 21.7.2008 kl. 16:54]

Ég er farinn að trúa að til sé nokkuð sem kallast KARMA. Eftir að Bjarni skoraði markið fræga á móti Keflavík í fyrra (sem allir Skagamenn sem ég hef heyrt í eru bara sáttir við) og Skagamenn náðu svo að tryggja sér sæti í Evrópukeppni, sem Keflavík hefði átt að fá, hefur heldur betur orðið breyting á hlutunum. Nú hefur KARMA tekið völdin, sett ÍA á botninn (með HK) og Keflavík á toppinn. Ég vona að staðan verði þannig líka í lok tímabilsins.

Verst að Guðjón skuli ekki falla með liðinu.