Eineltið og eftirmálarnir

Skólaeinelti skilur eflaust eftir sig mikil sár og ergju í huga þeirra sem fyrir því verða. Þau sár gróa seint eða aldrei. Frásögnin í Mogganum vekur sannarlega athygli en þetta er veruleiki sem of margir verða fyrir og hafa aldrei unnið úr. En það er mikilvægt að ræða þetta og tala um þennan vanda opinskátt. Því er þessi umfjöllun mjög góð og vönduð.

Ætlaði að pynta þau og drepa

Athugasemdir

[Jens Guð, 28.9.2008 kl. 03:41]

  Einelti er frekar nýtt hugtak.  Ég geri mér grein fyrir því í dag að ég lagði mörg skólasystkini mín í einelti.  En á mínum æskuárum hélt ég að þetta væri bara saklaus stríðni.  Í vanþroska barns hélt ég að við værum bara krakkar að slást.  Í fyrravetur sagði mér drengur frá því hvað hann hafi upplifað erfið ár af minni hálfu í skóla.  Ég man ekki neitt eftir því en man eftir öðrum tilfellum þar sem ég var vondur við skólasystkini.  Og dauðskammast mín fyrir þau dæmi.  Í þeim dæmum sem ég man eftir var um að ræða öfund vegna þess að viðkomandi voru mínir ofjarlar í gítarleikar og vísnagerð.  Ég kunni ekki að taka þeim yfirburðum öðruvísi en með barsmíðum.  Reyndi af félagslegum vanþroska að jafna met með ofbeldi.