Verður uppstokkun í ríkisstjórninni á næstunni?

Sögusagnir sem ég hef heyrt úr nokkrum traustum áttum eru þær að uppstokkun sé í vændum hjá ríkisstjórninni, þ.e.a.s. ef hún þá heldur velli í ólgusjó stjórnmálanna þessa dagana. Árni Mathiesen og Björgvin G. Sigurðsson víki af stóli, til að róa niður óánægjuraddir og nýjir menn taki við stöðum þeirra. Sumir telja að deilt sé um hvort báðir eigi að fara eða nóg að annar fari. Leiðtogar stjórnarflokkanna vörðu sína menn um daginn en gáfu sterklega til kynna á víxl að hinn ætti að fara.

Deila má um hvort uppstokkun sé farsæl nú fyrir samstöðu flokkanna. En mikið er talað um að eitthvað nýtt upphaf megi verða svo leiðtogar stjórnarflokkanna fái einhvern frið frá óánægjuröddunum. Því þurfi þeir að fórna ráðherrum fyrir borð og bíta í súra eplið.

Farið eftir ráðleggingum Seðlabankans

Athugasemdir

[Hákon , 18.11.2008 kl. 21:19]

Ég er ekki viss um að það sé nóg að láta þessa tvo fara. Spurning hvort að almenningur treysti þeim næstu? Persónulega finnst mér Björgvin hafa staðið sig vel eftir að ósköpin dundu yfir þótt hann hafi klúðrað málunum fram að hruni. Árni ætti samt kannski að fara aftur í dýralækningar eða í hið minnsta í enskunám. Sorglegt fannst mér að lesa símtalið milli dýralæknisins of refsins hann Darling

Það væri nær að fórna forystunni og finna annað fólk í þær stöður. Kannski Geir í stöðunna hans Árna, hann veit að minnsta kosti hvað fólk er að tala um.

[Óðinn Þórisson, 18.11.2008 kl. 21:26]

Það er engin fórn að þurfa að skipta út einhverjum ráðherrum. Ætli flestir myndu ekki bara líta það jákvætt.
Hverjir, ja mér dettur alltaf fyrst í hug Þórunn, svo væri eðlilegt að bæði Björgvin og Árni myndu stíga til hliðar og Björn Bjarna.
Það kæmi mér samt verulega á óvart ef einhverjar breytar yrðu gerðar.
Sf er gagnslaus stjórnmálaflokkur, hversvegna að gefa það út að einhver sitji ekki í þeirra umboði, geri svo ekkert í því - það hefði verið betra fyrir þá að hafa gert ekki neitt nú situr hann einmitt aðallega í umboði SF-

[Gísli Foster Hjartarson, 18.11.2008 kl. 22:31]

Þá hlýturðu að hafa heyrt einhverjar vangaveltur um það hverjir eiga að taka við? Hvernig væri að fá bara fagmenn í þessi embætti, fólk sem jafnvel er ekki á þingi?

[Guðmundur Ásgeirsson, 18.11.2008 kl. 23:09]

Þeir þurfa allir að fara. Nema kannski Jóhanna...

[Halla Rut , 18.11.2008 kl. 23:30]

Og mun vart breyta neinu þótt úr yrði.