Froðusnakk á Bessastöðum

Ég gafst upp á að horfa á yfirborðsmennskuna í nýársávarpi forseta Íslands frá Bessastöðum nú eftir hádegið. Fannst þetta algjört froðusnakk og fannst tilraunir forsetans til að stappa stálinu í þjóðina pínlega vandræðalegar í besta falli. Ólafur Ragnar er ekki sameiningartákn þjóðarinnar á þessum örlagatímum. Sem klappstýra auðmanna og andlit útrásarinnar er hann stórlega skaddaður og getur ekki verið leiðarljós þjóðarinnar. Mjög einfalt mál, hversu svo sem hann reynir að fría sig ábyrgð.

Held að sagnfræðingar framtíðarinnar muni velta því fyrir sér hversu mikil mistök það hafi verið hjá Ólafi Ragnari að draga sig ekki í hlé á síðasta ári, frekar en halda í fjórða kjörtímabilið. Hafi hann einhvern tímann verið traustur þjóðhöfðingi með tengsl við landsmenn eru þeir tímar sannarlega liðnir. Ræðan var ágætis óður til þjóðarinnar en hún var því miður alveg innistæðulaus og var ekki einlæg. Gjá hefur orðið milli þjóðarinnar og forsetaembættisins. Erfitt er að treysta því sem þaðan kemur.

Ólafur Ragnar verður fórnarlamb þeirrar innistæðulausu velgengni sem hann var sendiherra fyrir á alþjóðavettvangi. Fall hennar er um leið fall veigamikils hluta forsetaferils hans. Þetta fellur allt flatt núna. Annað er óhjákvæmilegt. Svo fer sem fer. Eftir stendur forseti sem hefur misst bakland sitt og er stórlega skaddaður. Mun fara í sögubækurnar sem sameiningartákn auðmannanna.

Þjóðarátak nýrrar sóknar

Athugasemdir

[Matthías Ásgeirsson, 1.1.2009 kl. 15:36]

Segðu okkur endilega álit þitt á froðusnakki biskups og froðusnakki forsætisráðherra fyrst þú ert byrjaður.

[Stefán Friðrik Stefánsson, 1.1.2009 kl. 15:38]

Sæll Matthías og gleðilegt ár.

Ég get alveg sagt það hreint út að mér líkaði engin ræðan hjá þeim sem flytja hefðbundin áramótaávörp. Óttaleg yfirborðsmennska. En frá Bessastöðum kemur ávarp eina einstaklingsins sem kjörinn er beinni kosningu af þjóðinni. Þetta er embætti sem á tyllidögum hefur verið kallað sameiningartákn þjóðarinnar. Þeir dagar eru liðnir og eðlilegt að vera sérstaklega ósáttur við það sem þaðan kemur. Okkur vantar sameiningartákn á Bessastöðum núna, nú þegar landið er í botnlausum erfiðleikum.

[Gísli Blöndal, 1.1.2009 kl. 15:44]

Gleðilegt ár Stefán
Tek heilshugar undir það sem þú skrifa. Hefi varla orðað þetta betur sjálfur

[Vilhjálmur Eyþórsson, 1.1.2009 kl. 17:58]

Grísafáni Bónus- feðga á að blakta yfir Bessastöðum. Þar mætti festa hann upp, ekki á Alþingishúsinu. Sýndarmennskan er húsbóndanum  eiginleg og í blóð borin, en líka yfirgangurinn og ruddaskapurinn, sem var enn meira áberandi á fyrri árum ásamt falsinu og tækisfærismennskunni. Það virðist núna loksins, loksins vera að renna upp fyrir fólki hvers vegna við, sem vorum honum samtíða í MR kölluðum hann þá þegar ávallt "Óla grís". Hann er sundrungartákn þjóðarinnar

[hilmar jónsson, 1.1.2009 kl. 17:59]

Okkur vantar sameiningartákn ? Fyrir þjóðina ? Eða Sjálfstæðismenn ?

[Árni Björn Guðjónsson (IP-tala skráð) 1.1.2009 kl. 18:03]

Þetta var aveg frábær ræða hjá Forsetanum og þeir sem eru ekki sammála þvi eru bara öfgamenn til hægri.

Hann játaði mistök  sýn í sambandi við útrásina sem hann studdi eins og Geir og aðrir sem í dag eru bara kallaðir fifl.

Hugmynd hans um þjóðarsáttmála er thyglisverð þvi stjórnmálaflokkarnir hafa engar hugmyndir nema verja sinn rass í synum stólum. Nu verða þeir sem vilja undirbúa það kallaðir saman og grunnur verður lagður að Þjóðarsáttmála.

[Eiður (IP-tala skráð) 1.1.2009 kl. 18:03]

Gleðilegt ár Stefán.

Bessastaðafroðan bregst ekki.

Veistu annars  af hverju við einir  Evrópuþjóða  fáum ekki að  sjá Nýárstónleikana frá Vínarborg í beinni útsendingu ?

 Ég held að það sé  vegna  þess að það rekst á við  ræðuflutninginn á  Álftanesi.

Það er  annars  athyglisvert að bera saman ávarp þjóðhöfðingja okkar  við  ávörp  þeirra Margrétar  Danadrottningar og  Haraldar Noregskonungs.

Við komum því miður ekki vel út úr þeim  samanburði.

[Eiður Svanberg Guðnason, 1.1.2009 kl. 20:25]

Gleðilegt ár Stefán.

Bessastaðafroðan bregst ekki.

Veistu annars  af hverju við einir  Evrópuþjóða  fáum ekki að  sjá
Nýárstónleikana frá Vínarborg í beinni útsendingu ?

 Ég held að það sé  vegna  þess að það rekst á við  ræðuflutninginn á
Álftanesi.

Það er  annars  athyglisvert að bera saman ávarp þjóðhöfðingja okkar  við
ávörp  þeirra Margrétar  Danadrottningar og  Haraldar Noregskonungs.

Við komum því miður ekki vel út úr þeim  samanburði.

--

[Valves, 1.1.2009 kl. 23:05]

Gleðilegt árið

Flott myndmál hjá þér að líkja honum Óla við klappstýru, bara snilld. :)

[Gísli Sigurðsson, 1.1.2009 kl. 23:06]

Ég hef nú svona stundum hlustað á þessi áramótaávörp, og ég held að það sé rétt hjá þér Stefán að þetta er alltaf sama froðusnakkið, svona copy paste ræður, hvorki betra né verra hjá Ólafi núna en öðrum á undan honum og sennilega þeim sem á eftir honum eiga eftir að koma.

[Sigríður Jósefsdóttir, 2.1.2009 kl. 00:21]

Til að byrja með skal því haldið til haga að ég hef aldrei verið sátt við Ólaf Ragnar á Bessastöðum.  Heldur studdi ég og vann fyrir framboð Péturs Kr. Hafstein. 
Hvað nýjárstónleikana varðar, þá horfði ég á þá í beinni útsendingu í morgun á Danmarks radio, þeir eru kl. 10:00 að morgni að íslenskum tíma.  Það er kannski ástæðan fyrir því að þeir eru ekki í beinni.  Ekki vildi ég nú taka frændur vora dani okkur til fyrirmyndar með ávarpið, á undan kom klukkutíma langur þáttur um hvað konungsfjölskyldan hafði aðhafst síðastliðið ár.  Það dygði örugglega ekki klukkutími til að "covera" allt transportið á Óla, Dorrit og þeirra fylgifiskum (börnum, tengdabörnum og barnabörnum).  Því að ekki lítur karlkvölin á sjálfan sig minna en konungborinn þarna á Álftanesinu.  Annars var ræðan hjá Möggu fín, ætli Haraldur tæki ekki örugglega við okkur aftur, örugglega skárra en ESB.

[Doddi - Þorsteinn G. Jónsson (IP-tala skráð) 2.1.2009 kl. 18:50]

Ólafur Ragnar er ekki sami áhrifaaðili í íslensku þjóðlífi eins og Geir forsætisráðherra. Það er því algjörlega og gallhörð afstaða mín að Geir froðufelli mun meir en Ólafur Ragnar ... sameiningartákn þjóðarinnar? Hann er umdeildur en hvort treystir almenningur í landinu honum meira í sínu embætti eða Geir í sínu?