Hálft ár vinstristjórnar - óleystu verkefnin

Ekki verður séð að vinstristjórnin hafi náð miklum árangri í verkum sínum, en sex mánuðir eru á morgun liðnir frá því að hún tók við völdum. Ekki er beinlínis hægt að segja að stórkostlegur árangur hafi náðst og vandamálin séu nær algjörlega óleyst. Afleitur samningur um Icesave, þar sem illa var staðið að málum og komið með heim með samning sem ómögulegt er fyrir þjóðina að sætta sig við.

Ekki verður séð að vinstristjórnin hafi staðið fyrir miklum þáttaskilum í íslenskum stjórnmálum. Yfirgangur framkvæmdavaldsins í garð löggjafarvaldsins hefur aldrei verið meiri en í þessari ríkisstjórn. Sannfæring þingmanna er völtuð niður miskunnarlaust, eins og sást í ESB-málinu og hefur glitt í hvað varðar Icesave-málið.

Vinstri grænir eru orðnir sérfræðingar í að taka þátt í því að gleypa sannfæringu sína í lykilmálum fyrir völdin á mettíma. Hverjum dettur í hug nú að segja að Steingrímur J. standi við sannfæringu sína og pólitískar hugsjónir, sé staðfastur baráttumaður og standi í lappirnar. Hann hefur staðið sig illa og fallið á prófinu hvað eftir annað.

Fyrsti mánuður vinstristjórnarinnar fór í að moka út úr Seðlabankanum. Endurvinna þurfti trúverðugleika var sagt. Hvar er staðan þar? Jú, sá sem mótaði stefnuna sem Seðlabankinn hefur unnið eftir í fjöldamörg ár var ráðinn seðlabankastjóri. Mikið afrek það. Var ekki sagt að allt myndi lagast ef þar yrði tekið til?

Eftir hálft ár eru vandamálin að mestu leyti óleyst. Mikið af klúðri hefur orðið á vakt þeirra sem ætluðu að breyta öllu og bæta. Verst af öllu er að gamaldagspólitík vinstriaflanna er algjör. Þeir hafa aukið mátt framkvæmdavaldsins og koma fram við Alþingi af skammarlegum yfirgangi.

Algjört hrun í afkomu ríkissjóðs

Athugasemdir

[Ólafur Þórðarson, 31.7.2009 kl. 15:00]

Hallinn skeði 2008. Var vinstri stjórn þá, Stefán minn?

[Jón Ingi Cæsarsson, 31.7.2009 kl. 15:07]

Stebbi... þessi pistill er samansafn að ragnfærslum og bulli. Ég nenni hreinlega ekki að fara í að leiðrétta allar rangfærslurnar..en allir sem vilja og nenna geta kynnt sér málin.

[Jón Ingi Cæsarsson, 31.7.2009 kl. 15:17]

http://www.island.is/endurreisn/stjornvold/adgerdir-stjornvalda/stjornarsattmali/100-daga-aaetlun-rikisstjornarinnar

ég reikna með að þú birtir þessa slóð á síðunni þinni til að fólk geti sjálft metið fullyrðingar þínar í þessu bloggi. Ef þetta birtist ekki segi ég frá þessu á minni síðu með vísan í þína.  ok ??

[Ágústa (IP-tala skráð) 31.7.2009 kl. 18:12]

Já, déskoti stendur vinstri stjórnin sig illa. Að þeir skuli ekki vera búnir að moka út átján ára samansafni af skít frá íhaldinu á heilum sex mánuðum! Og það þó svo skíturinn sé svo mikill að heilt kerfishrun hafi orðið í fjármálageiranum, það hefði nú ekki átt að hægja neitt sérstaklega á þeim, ha?