Notalegt morgunspjall hjá Gesti og Hrafnhildi

Það var mjög notalegt að fara til Gests Einars og Hrafnhildar í morgun á Rás 2 og rabba þar við þau um bloggheimana. Gaman að fá sér kaffi þar og fara í rólegheitunum yfir þessi mál með þeim. Þetta var gaman, enda fórum við yfir svo breitt svið, allt mögulegt og það var hlegið dátt og talað um allar áttir bloggheimanna; það sem er að gerast í umræðunni, pólitíkina og margt fleira. Þátturinn þeirra Gests Einars og Hrafnhildar er léttur og hress - það er því ekki hægt annað en njóta þess að mæta til þeirra og tala á mannlegu nótunum.

Það er vonandi að einhverjir hafi haft gaman af þessu. Naut þessa allavega mjög. Við Gestur Einar ræddum vel fyrir og eftir viðtalið og það var ánægjulegt að fá sér kaffibolla og tala vítt og breitt um þetta. Var einmitt að átta mig á því í miðju spjalli að ég á hálfs árs bloggafmæli hér í vikunni og það eru fimm ár á þessu ári frá því að ég byrjaði á þessu brasi. Fljótur að líða tíminn. Fannst mest gaman einmitt að tala við þau um léttu málin. Þau vildu mjög vita hvað ég skrifaði um þegar að ekkert er í fréttunum. Mikið hlegið þegar að ég sagði; veðrið á Akureyri. :)

Eftir viðtalið spilaði Gestur Einar lag með Óskari Péturssyni með texta eftir Davíð Oddsson, seðlabankastjóra og fyrrum forsætisráðherra. Gestur Einar veit vel að Davíð er og verður alla tíð uppáhaldsstjórnmálamaðurinn minn. Sennilega ekki verið nein tilviljun. Þetta er fallegt lag og Óskar gerir því frábær skil. Vona að Davíð muni eiga góða daga við að yrkja og skrifa bækur, helst ævisöguna, eftir bankastjóraferilinn.


Bloggspjallið við mig á Rás 2 - 14. mars 2007

Athugasemdir

[Tryggvi H., 14.3.2007 kl. 11:05]

Hannes Hólmsteins sagði einu sinni í tíma í HÍ, þegar ég spurði hann hvort hann myndi skrifa ævisögu Davíðs: “hann mun örugglega skrifa hana sjálfur,enda enginn betri til þess fallinn”

[Stefán Friðrik Stefánsson, 14.3.2007 kl. 14:35]

Nákvæmlega. :) Enginn betri í að skrifa þessa sögu en DO sjálfur.

[Steini Briem (IP-tala skráð) 14.3.2007 kl. 15:47]

"DO!" segir Homer Simpson alltaf. Davíð er af Briemsætttinni og þess vegna reyni ég að vera góður við hann stundum. En það er náttúrlega ljótt að vera leiðinlegur við minni máttar, alla vega til skemmri tíma litið.