Skýr markmið hjá nýjum þjálfara

Ólafur Jóhannesson, nýr landsliðsþjálfari, hefur greinilega sett sér skýr markmið fyrir landsliðið. Það er mjög gott. Finnst hann tjá sig einbeitt um það sem framundan er. Það skiptir máli að bæta varnarleikinn og liðsandann fyrst og fremst. Það var átakanlegt að fylgjast með þessu tvennu í leiknum gegn Liechtenstein, en þar var lánleysið svo mikið að öllum var nóg boðið.

Það varð að stokka upp stöðuna og það skiptir máli að byggja á þeim tækifærum eru í stöðunni. Heilt yfir var orðið ljóst, og það fyrir nokkru, að agavandamál þjökuðu liðið, leikmenn voru ósáttir við stefnu liðsins, og engin stjórn var á málum. Það er óviðunandi hjá landsliðinu og varð að bæta úr. Sumir tala um sökin hafi verið hjá fleirum en Eyjólfi. Vel má vera kannski. En þjálfarinn stýrir fleyinu. Hann verður í frontinum að bera ábyrgð á að allt gangi.

Ólafur hefur verið sigursæll þjálfari. Eins og ég sagði um helgina var mikilvægast að horfa til þess að fá nýjan þjálfara með mikla reynslu. Ólafur hefur staðið sig í sínum verkum og öll berum við miklar væntingar til hans með framtíðina í huga. Hann talaði af ábyrgð og festu um verkefnin framundan í viðtali á Stöð 2 í kvöld. Leist vel á þann boðskap. Held að hann sé rétti maðurinn í stöðunni og vona að við getum byggt liðið upp til þeirrar stöðu sem við getum sætt okkur við.

Ólafur Jóhannesson: „Ég ræð“

Athugasemdir

[Erna Friðriksdóttir, 29.10.2007 kl. 21:36]

Auðvitað stýrir þjálfari fleyinu eins og þú orðar það en mér finst ekki bara hægt að sakast við Eyjólf, það eru líka leikmennirnir.  Mér finst það ríkja svo mikið hjá mörgum okkar Íslendinga ef að leikur tapast þá er það þjálfaranum að kenna en ef leikur vinnst þá er það leikmönnunum að þakka   Auðvitað óska ég þessum Ólafi góðs gengis með liðið OKKAR þó að ég þekki ekkert til hans starfa. Ég sjálf er formaður ungmennafélags hér í minni sveit og auðvitað ekkert með nein landslið en með unga krakka hér í boltaíþróttum, kanski upprennanlegir liðsmenn hjá Landsliðinu. Við erum ekki með sérmenntaða þjálfara í körfubolta en höfum þó hreppt Íslandmeistara titil fyrir 2 árum í 9.flokki kvenna. Hvort það var einungis þjálfurunum að þakka eða sjálfum leikmönnunum ???  Mér finst þetta alltaf vera spurning.

[Stefán Friðrik Stefánsson, 29.10.2007 kl. 22:43]

Eflaust er þetta mjög flókið mál, margir þættir sem hafa klikkað, engu einu um að kenna. En þegar að það er vandamál þarf þjálfarinn að geta, eða á að reyna það, tekið á þeim vanda sem uppi er. Hann sem frontur stendur og fellur með stöðu liðsins. Það er óhjákvæmilegt annað. Vonandi gengur Ólafi vel. Það er allavega ljóst að hans bíður mikilvægt verkefni.

mbk.