Áfall fyrir þjóðkirkjuna

Kynferðisafbrotamál sóknarprestsins á Selfossi er mikill harmleikur fyrir þjóðkirkjuna og alla sem koma að þessu máli. Presturinn verður sá fyrsti í sögu þjóðkirkjunnar sem ákærður er fyrir brot af þessu tagi og hlýtur málið að teljast áfall fyrir þá stofnun sem hann starfar í, enda er svona alvarlegt mál ekki trúnaðarmál þeirra sem að því koma.

Eitt af því sem kom mér mest á óvart í þessu máli var að til væri fagráð um meðferð kynferðisbrota innan þjóðkirkjunnar. Enn hefur þeirri spurningu ekki verið svarað hversu mörg mál hafi komið þar inn á borð frá stofnun fagráðsins, þó auðvitað sé þetta mál á Selfossi löngu orðið einstakt að umfangi og alvarleika.

Svona dapurleg mál vekja athygli og skaða það starf sem unnið er hjá kirkjunni að mínu mati. En mikilvægt að úrræði séu til staðar til að taka á málum innan kirkjunnar sem stofnunar.

Séra Gunnari veitt lausn frá embætti tímabundið

Athugasemdir

[magus (IP-tala skráð) 18.9.2008 kl. 15:22]

Ertu viss um að þetta mál sé eithvað einstakt?

Er ekki búið að færa mannin til í starfi tvisvar, vegna ásakana um kynferðisafbrot?

Þú veist, eins og kaþólska kirkjan er fræg fyrir!

Ef þetta mál er svona einstakt, hvers vegna er kirkjan með sérstakt "fagráð"?

Alveg einstakt, kristilega siðferðið! 

Hvers vegna er þetta hneyksli ekki á forsíðum blaðanna? Hvernig væri nú að láta biskupinn og svo dóms og kirkjumálaráðherra svara fyrir fagráðið og feluleikinn?

Kannski ættu fleiri stofnanir að taka "kristilega siðferðið" til fyrirmyndar og stofna svona fagráð? Leikskólakennarar og aðrir sem umgangast börn gætu allir haft sitt fagráð?

Helvítis viðbjóður! 

[Jens Sigurjónsson, 18.9.2008 kl. 16:19]

Er hann sá fyrsti í sögu þjóðkirkjunnar sem er ákærður fyrir brot af þessu tagi ?

 Ertu nú alveg viss ?

[Heiða B. Heiðars, 18.9.2008 kl. 18:57]

Mér finnst full dramatískt að kalla þetta "harmleik" Þjóðkirkjunnar. Skandall væri betra orð og harmleikurinn er sóknarbarnanna

[Teitur Atlason (IP-tala skráð) 18.9.2008 kl. 18:58]

Ólafur Skúlason sagði af sér embætti vegna ásakanna um kynferðislegt áreiti. Það mál var mun verra fyrir ríkiskirjuna en þetta mál ógeðfelda Selfoss-mál.

[Stefán Friðrik Stefánsson, 18.9.2008 kl. 20:07]

Þakka kommentin.

Þetta er í fyrsta skipti, svo ég veit um allavega (ef önnur dæmi eru væri gott að heyra þau) sem sóknarprestur í þjóðkirkjunni er ákærður af ríkissaksóknara fyrir svo alvarlegt brot. Vissulega var alvarlegt þegar ásakanir komu fram gegn Ólafi Skúlasyni, þáverandi biskup Íslands, en það mál fór ekki langt í kerfinu og var aldrei klárað. Hann ákvað einfaldlega að hætta sem biskup tveim árum fyrr en hann þurfti og svo heyrðist ekkert meira af því. Það voru reyndar tveggja áratuga mál og eldri sem um voru að ræða og furðulegt að þau hafi ekki orðið opinber í biskupskosningunum 1981, þegar Ólafur tapaði fyrir sr. Pétri Sigurgeirssyni, og 1989, er hann var kjörinn biskup.

Hvað varðar orðalagið er þetta auðvitað harmleikur. Ég tel að þetta sé áfall fyrir þjóðkirkjuna, eins og segir í fyrirsögn, enda er varla hægt að kenna öllum í kirkjunni um möguleg afbrot þessa manns. Hann verður að taka það á sig. Þetta er harmleikur vissulega fyrir alla hlutaðeigandi og mikilvægt að klára málið með fagmennsku og traustum vinnubrögðum.

[magus (IP-tala skráð) 18.9.2008 kl. 22:43]

Stefán!

Vissulega þarf Gunnar að taka á sig eigið afbrot, en þarf ekkert að athuga hvað er í gangi? Hvers vegna er það allt í lagi að maðurinn hafi áður verið ásakaður um svona afbrot, en ekkert gert í því? Er allt í lagi að kirkjan færi bara svona menn í næstu sókn, þegar þeir eru ásakaðir um kynferðisleg brot gegn börnum?

Ber kirkjan ENGA ábyrgð, með sér nefnd í gangi til að hylma yfir þessum mönnum?

OG er allt í lagi að mál biskupsins fyrrverandi hafi bara týnst í kerfinu?

Er þessum mönnum allt leyfilegt vegna þess að þeir starfa á vegum kirkjunnar?

Á dóms og kirkjumálaráðherra að leyfa þetta framferði kirkjunnar áfram? Er allt í lagi að hann hafi hugsanlega áhuga á því að leyfa þetta bara áfram?

Eins gott að Gunnar og félagar eru ekki innflytjendur, væri ekki búið að skera undan þeim? Gera húsleit með vélbyssum og hundum?

Jæja Stefán! eigum við öll að taka þetta kristna siðferði til fyrirmyndar?