Djöfull í mannsmynd

Eftir því sem Josef Fritzl talar meira um ástæður meðferðar sinnar á eigin dóttur verður það óhugnanlegra og sorglegra - hann er einfaldlega djöfull í mannsmynd. Mjög undarlegur er að hann reyni að milda álit fólks á sér með því að vitna í að hann hafi nú verið fórnarlamb sjálfur, sé annað hvort geðveikur eða bugaður af eigin lífsreynslu forðum daga. Þetta er útspil til að reyna að milda dóminn. Dæmt til að mistakast.

Öll verk þessa manns síðasta hálfan þriðja áratuginn sýna og sanna að maðurinn var viti sínu fjær, hreinlega djöfull í mannsmynd. Óhugur almennings er skiljanlegur og eðlilega er talað um dauðadóm. Æ fleiri styðja að taka upp dauðadóm í Austurríki svo taka megi Fritzl af lífi. Dómharkan er eðlilegt, enda velta allir fyrir sér hvernig nokkur maður geti komið fram við afkomendur sína með svo djöfullegum hætti.

Lýsingarnar á því hvernig hann gat spunnið verk sín áfram allan þennan tíma eru í senn sorglegar og ógnvekjandi. Sá maður sem getur beitt fólk af eigin holdi og blóði svo ógeðslegri meðferð er auðvitað fjarri því að vera heill á geði og væntanlega átti heldur enginn von á því. Þetta mál er fyrst og fremst áfellisdómur yfir þeim sem rannsökuðu það og áttu að kveikja á perunni.

Veigamiklar staðreyndir, sem gátu aldrei myndað heilstæða og eðlilega mynd, um Fritzl og heimilisaðstæður hans, auk þess karaktereinkenni hans og fyrri afbrot áttu að leiða menn rétta leið löngu fyrr. Þessi djöfull í mannsmynd mun vonandi hljóta makleg málagjöld að lokum.

„Notaði hana eins og leikfang“

Athugasemdir

[Guðmundur St Ragnarsson, 16.3.2009 kl. 22:52]

Þetta mál er eitt það óhugnanlegasta sem ég man eftir. Stundum tekur raunveruleikinn skáldsögunni fram. En svo ætla Austurríkismennirnir að bjóða honum upp á lúxusaðstöðu gegn játningu, eða þannig las ég fréttina?

En dauðadómur lagar ekki neitt drátt fyrir djöfulleg verk manns eins og Fritzl. Ég vona að Evrópuþjóðir taki aldrei upp slíka mannvonsku!

[Sigurður Haraldsson (IP-tala skráð) 17.3.2009 kl. 00:06]

Drepa hann og ekkert annað. Það er engin réttlæting til sem heimilar þessum manni að vera meðal vor.

[Stefanía, 17.3.2009 kl. 00:20]

Þetta er svo skelfilegt mál, að það tekur engum tárum.

Ég finn til með karlkyninu þegar svona mál koma upp, en sem betur fer eru þau ekki oft svona hræðileg.

Tek undir með þér,  þetta er auðvitað verulega "abnormalt" athæfi, en það gerir lítið fyrir þolanda.