Stjarnan Emiliana

Emiliana Torrini hefur verið uppáhaldssöngkonan mín árum saman, eiginlega síðan ég heyrði hana fyrst syngja. Hún er einfaldlega algjörlega í sérflokki - frábær rödd og traustur persónuleiki. Hún er ekki að þykjast vera neitt nema hún sjálf. Hefur alltaf verið trú sínu og ekki breytt sér fyrir frægðina eða eitthvað stjörnulúkk, hefur einfaldlega komist áfram af eigin verðleikum og skapað sína ímynd, ekki ósvipað Björk.

Ég er ekki fjarri því að mér hafi fundist hún ná traustum stalli í sínum bransa á síðustu árum, ekki aðeins hérna heima heldur um víða veröld. Lagið hennar Jungle Drum þótti mér sérstaklega gott og það var ekki hægt annað en hrífast með. Algjörlega magnað lag. Hitti beint í mark.



Emiliana ávann sér sess í huga og hjarta þjóðarinnar með plötunum sínum um miðjan tíunda áratuginn. Þær eru urðu báðar feykivinsælar hér heima og stjarna var fædd. Af öllum frábæru lögunum sem hún söng þá finnst mér The Boy who giggled so sweet algjörlega í sérflokki. Yndislegt lag.



Gollum song úr kvikmyndinni Lord of the Rings: The Two Towers frá árinu 2003 er traust lagasmíð. Yndislegt lag, með dökkum og sorglegum undirtón en yndislega fallegt samt sem áður. Nær að fanga tóninn í myndinni, sálarflækjur og innri baráttu Gollums, sem er margklofinn og andlega bugaður.



Ekki má svo gleyma túlkun Emiliönu á Simon og Garfunkel-smellinum Sounds of Silence úr sýningunni frábæru Stone Free á árinu 1996. Ógleymanleg sýning fyrir alla þá sem hana sáu. Yndisleg og sætt.

Emilíana fær góða dóma í NYT

Athugasemdir

[Sporðdrekinn, 31.3.2009 kl. 02:25]

Já hún er topp listakona. Mér var gefin fyrsta platan hennar thegar ad ég bjó langt frá heima högum en hún flutti mig heim med röddu sinni og tónum.

[Viðar Ingólfsson (IP-tala skráð) 31.3.2009 kl. 06:58]

Ég get ekki annað en tekið undir hvert einasta orð sem þú skrifar, alger demantur daman sú arna.

[TARA, 31.3.2009 kl. 10:58]

Mikið hjartanlega er ég sammála þér...hún hefur fallega rödd...einlæga framkomu og er hún sjálf...en það verður ekki sagt um þorra listamanna, sem sífellt eru að þykjast til að ganga í augun á almenningi. Svo er hún afskaplega falleg stúlka að öllu leyti.

[sveina sigurdardottir (IP-tala skráð) 31.3.2009 kl. 14:16]

Ég gaf vini mínum sem býr í Los Angles "Me and Armani" og hann var svo hrifinn af því hvað Emiliana er látlaus og falleg með þessa yndislegu rödd, en hann er vanur plastik dömunum í L.A.