Guðlaugur Þór tekur við heilbrigðisráðuneytinu

Guðlaugur Þór Þórðarson hefur tekið við heilbrigðisráðuneytinu. Hann er fyrsti sjálfstæðismaðurinn sem tekur við ráðherraembætti þar í tvo áratugi. Það er svo sannarlega orðið tímabært að Sjálfstæðisflokkurinn fái heilbrigðisráðuneytið í sinn hlut og fái tækifæri til að takast á við málaflokkinn. Aðeins tveir sjálfstæðismenn hafa setið á ráðherrastóli þar frá stofnun ráðuneytisins árið 1970; þau Matthías Bjarnason og Ragnhildur Helgadóttir.

Við í Sjálfstæðisflokknum höfum lengi verið þeirrar skoðunar að flokkurinn ætti að fá ráðuneytið í sinn hlut. Það er gleðiefni að það skyldi takast nú að þessu sinni í þessu samstarfi við Samfylkinguna. Með þessu hefjast nýir tímar, enda tel ég að sjálfstæðismaður muni ekki hika við að horfa í aðrar áttir í þessum málum og ef marka má stjórnarsáttmála Sjálfstæðisflokks og Samfylkingar verður það heldur betur að veruleika.

Ég vil óska Gulla til hamingju með ráðherrastólinn og óska honum góðs í verkum sínum á nýjum vettvangi.

Fyrsti sjálfstæðismaðurinn í heilbrigðisráðuneytinu í 20 ár

Athugasemdir

[Davíð Þór Kristjánsson, 24.5.2007 kl. 16:46]

Ber miklar vonir til Guðlaugs og vonast til að hann stokki haltrandi kerfi vel upp til batnaðar. Tími einkarekstrar er klárlega þemað sem lagt verður upp með og það tel ég vænlegt til árangurs.

[Þorsteinn Erlingsson yngri, 24.5.2007 kl. 17:23]

Sæll Stefán!

 Rúllaðu yfir færslu mína um þetta efni á slóðinni   thorsteinnerlingsson.blog.is

og segðu mér hvað þér finnst.       Með Sjálfstæðiskveðjum,

                                                                                Þorsteinn Erlingsson