Hasar í Hnífsdal - deilt um vinnutímann

Það er ekki geðslegt að heyra lýsingar á því sem gerðist á milli hjónanna í Hnífsdal áður en karlmaðurinn á heimilinu greip til haglabyssunnar og skaut að konu sinni. Það var auðvitað með ólíkindum að heyra fyrst af því máli, en sérsveit lögreglunnar var kölluð vestur vegna þess heimilisofbeldis. Það er öllum ljóst að mjög tæpt stóð með konuna og hefði ekki miklu mátt muna svo að hún hefði látist í þessari atburðarás.

Þetta er sláandi hasar fyrir lítið byggðarlag. Þarna sannaðist þó vel mikilvægi sérsveitarinnar að mínu mati. Lögreglan brást vel og skipulega við þessari ógn að mínu mati - sérsveitin hefur þjálfun og getu til að bregðast við svona ástandi. Þetta var hrein og klár ógn, enda sást það vel af öllu verklagi og þeim viðbúnaði sem var til staðar. Þegar að maður með haglabyssu gengur laus, hefur skotið að eiginkonu sinni og er yfirbugaður er eitthvað meira en lítið að. Það blasir við öllum. Það er reyndar með ólíkindum að það sem olli látunum voru deilur um vinnutíma konunnar.

Þetta atvik minnir mjög vel á það, hversu brýnt er að lögreglan sé undir það búin að takast á við hættuleg verkefni, í takt við þetta. Fyrir nokkrum árum þótti ekki öllum sem sitja á Alþingi mikilvægt að breyta skipulagi á yfirstjórn sérsveitar lögreglunnar til að sveitin væri ávallt til taks og sveigjanlegri en áður hefði verið. Því síður virtist skilningur á því hjá fjölda fólks þá að nauðsynlegt væri að efla sérsveitina og fjölga í henni.

Þessi staða sýnir vel hversu rétta stefnu sérsveitin hefur tekið og að hún sé vel búin fyrir ástand sem getur komið úr óvæntustu átt, rétt eins og þetta heimilisofbeldi vestur á fjörðum.

„Ég sá blossa nálægt vanganum"

Athugasemdir

[Pétur Guðmundur Ingimarsson (IP-tala skráð) 13.7.2007 kl. 22:53]

Það er nú alveg greinilegt að Árna Guðmundssyni skortir allsvakalega þekkingu á skotvopnum og þeim skotbardögum sem lögreglan hefur þurft að eiga í á síðustu árum.

Eins og t.d. ráninu í Sportvali þar sem munaði hársbreidd að fjöldi óvopnaðra lögreglumanna félli í valinn er þeir þurftu að sitja undir skothríð vopnaðra manna í dágóða stund og lögreglan þurfti að nota jeppa til að keyra niður glæpamennina á flótta, sem gáfust ekki endanlega upp fyrr en fyrr en þeir horfðu upp í gínandi hlaupið á handsprengjuvörpu lögreglunnar.

[Stefán Friðrik Stefánsson, 14.7.2007 kl. 14:01]

Takk fyrir kommentin.

Árni: Það er auðvitað nauðsynlegt að hafa öfluga sérsveit til að taka á málum þegar að menn eru vopnaðir og til alls líklegir. Það munaði hársbreidd að þessi maður dræpi konuna sína og enn verra hlytist af. Það var ekki hægt að taka á þessu máli með neinum öðrum hætti.

Pétur: Tek undir þetta, mjög gott komment.

mbk.