Hver skaut með loftriffli á flutningabílinn?

Ekki vantar hitann í mótmælum atvinnubílstjóra, en þeir króuðu utanríkis- og forsætisráðherra af í Hafnarhúsinu og voru með mótmæli við samgönguráðuneytið. Þeir eru nú að beina mótmælunum greinilega að ráðamönnum, enda augljóst að það var ekki til vinsælda fallið að stöðva algjörlega umferð tímunum saman marga daga í röð.

Það sem vekur mesta athygli frá mótmælunum í morgun er þó að skotið var með loftriffli á flutningabíl. Þetta virðist nokkur ráðgáta og ekkert komið fram sem varpar ljósi á þetta. Væri fróðlegt að vita hvort að skotið kom úr nærliggjandi húsi eða einhver á svæðinu hafi fengið nóg af mótmælunum og látið vaða. En það ætti varla að fara framhjá neinum hafi svo verið gert.

Væri gott að vita hver skaut á bílinn og hvers vegna, annað en þá að ná sér niðri á bílstjórunum. En já, þvílíkur hasar, og það á mánudegi.

Skotið á flutningabíl?

Athugasemdir

[HP Foss, 7.4.2008 kl. 16:05]

Hvaða æsingur er þetta? Þarna hefur skotist steinn frá dekki annars vörubíls, lítill steinn frá dekki sem er verið að snúa í malbikinu. Menn verða nú aðeins að róa sig.

[Margrét Össurardóttir (IP-tala skráð) 7.4.2008 kl. 17:10]

Hahahahhaha,,,, Stebbi, býstu við að einhver gefi sig fram?

[Gestur Tr (IP-tala skráð) 7.4.2008 kl. 21:24]

Eitt er víst: Þetta gerðist EKKI í Breiðholtinu!